اقتٶبە وبلىسى بويىنشا بارلىعى 1 مىڭ مەديتسينا قىزمەتكەرٸ ەكپە قابىلداپ, ولاردىڭ 300-دەن استامى ەكٸنشٸ دوزاسىن الدى, دەپ حابارلايدى "ۇلت اقپارات".
ٶتكەن تەۋلٸكتە ٶڭٸردە 19 ادامنان كوروناۆيرۋس ينفەكتسيياسى انىقتالدى. ۆيرۋس جۇقتىرعانداردىڭ 14-ٸ دەرتتٸڭ سيمپتومدى تٷرٸنە شالدىققان.
«قازٸرگٸ كەزدە 159 ناۋقاس ەم قابىلداپ جاتىر. ونىڭ 52-ٸ ينفەكتسييالىق ستاتسيونارلارداعى اق حالاتتىلاردىڭ باقىلاۋىندا. جانساقتاۋ بٶلٸمٸندەگٸ بەس ناۋقاس ٶكپەنٸ جاساندى جەلدەتۋ اپپاراتىنا قوسىلعان. سونىمەن بٸرگە ٶتكەن تەۋلٸكتە 3 ادام پنەۆمونييا دياگنوزىمەن اۋرۋحاعا تٷستٸ. بارلىعى 48 ناۋقاس ەم الىپ جاتىر», - دەدٸ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ٸزباساروۆ.
كارانتيندٸك ستاتسيوناردا 23 ادام بار. شەكاراداعى كارانتيندٸك ستانتسييالاردا 8 ادام جاتىر.
«وبلىستا 300-دەن استام مەديتسينا قىزمەتكەرٸ ۆاكتسينانىڭ ەكٸنشٸ دوزاسىن قابىلدادى. بەرٸنٸڭ جاعدايى جاقسى. دەنساۋلىعىنا شاعىم ايتقان ەشكٸم بولمادى», - دەدٸ بەكبولات ٸزباساروۆ.
ايتا كەتەيٸك, قازٸرگٸ كەزدە 800-گە جۋىق ادام ٷي كارانتينٸندە جاتىر.
