Aqtóbe oblysy boiynsha barlyǵy 1 myń meditsina qyzmetkeri ekpe qabyldap, olardyń 300-den astamy ekinshi dozasyn aldy, dep habarlaidy "Ult aqparat".
Ótken táýlikte óńirde 19 adamnan koronavirýs infektsiiasy anyqtaldy. Virýs juqtyrǵandardyń 14-i derttiń simptomdy túrine shaldyqqan.
«Qazirgi kezde 159 naýqas em qabyldap jatyr. Onyń 52-i infektsiialyq statsionarlardaǵy aq halattylardyń baqylaýynda. Jansaqtaý bólimindegi bes naýqas ókpeni jasandy jeldetý apparatyna qosylǵan. Sonymen birge ótken táýlikte 3 adam pnevmoniia diagnozymen aýrýhaǵa tústi. Barlyǵy 48 naýqas em alyp jatyr», - dedi oblystyq densaýlyq saqtaý basqarmasy basshysynyń orynbasary Bekbolat Izbasarov.
Karantindik statsionarda 23 adam bar. Shekaradaǵy karantindik stantsiialarda 8 adam jatyr.
«Oblysta 300-den astam meditsina qyzmetkeri vaktsinanyń ekinshi dozasyn qabyldady. Báriniń jaǵdaiy jaqsy. Densaýlyǵyna shaǵym aitqan eshkim bolmady», - dedi Bekbolat Izbasarov.
Aita keteiik, qazirgi kezde 800-ge jýyq adam úi karantininde jatyr.
