اقتٶبەدە سوزىلمالى اۋرۋعا شالدىعىپ, ەسەپتە تۇرعان ناۋقاستارعا ۆاكتسينا ەگٸلۋدە, دەپ حابارلايدى "ۇلت اقپارات".
اقتٶبە وبلىسى بويىنشا ٶتكەن تەۋلٸكتە 61 ادام كوروناۆيرۋس ينفەكتسيياسىنا شالدىقتى. ونىڭ باسىم بٶلٸگٸ اقتٶبە قالاسىنىڭ تۇرعىنى. سونىمەن بٸرگە قوبدا, مەرتٶك, تەمٸر اۋداندارىندا دا ۆيرۋس جۇقتىرعان ناۋقاستار دەرٸگەر كٶمەگٸنە جٷگٸندٸ. ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە وبلىستىق دەنساۋلىق ساقتاۋ باسقارماسىنىڭ باسشىسى رٷستەم يساەۆ يممۋنداۋ جۇمىسىنا توقتالدى.
«وبلىسقا 6300 دوزا ۆاكتسينا جەتكٸزٸلدٸ. قازٸر قالاداعى ەمحانالارعا 300 دوزا ۆاكتسينادان بەرٸلدٸ. سونىمەن بٸرگە اۋداندارعا دا جٸبەرٸلدٸ. جاسى 18-دەن اسقان كەز كەلگەن تۇرعىن ۋچاسكەلٸك دەرٸگەرٸنە حابارلاسىپ, ۆاكتسينا قابىلداي الادى. 80 جاستاعى ادامنىڭ دا قابىلداۋىنا بولادى. دەل قازٸرگٸ كەزدە سوزىلمالى اۋرۋعا شالدىعىپ, ەسەپتە تۇرعاندارعا باسىمدىق بەرٸلگەن. جاپپاي يممۋنداۋ كەزٸندە الماتىلىق ەرٸپتەستەرٸمٸزدٸڭ تەجٸريبەسٸنە سٷيەنٸپ, ٸرٸ ساۋدا ورىندارىندا دا ۆاكتسينا بەرۋٸمٸز مٷمكٸن. ول جەرلەرگە جىلجىمالى مەديتسينالىق كەشەندەر قويىلادى. ٶتكەن جىلى 6 كەشەن ساتىپ الىندى», - دەدٸ رٷستەم يساەۆ.
شامامەن 10 سەۋٸردەن كەيٸن عانا جاپپاي ەگۋ جۇمىسى باستالۋى مٷمكٸن. ٶڭٸر ٸرٸ كٶلەمدە ۆاكتسينانىڭ جەتكٸزٸلۋٸن كٷتٸپ وتىر.
