№2 اقتٶبە قالالىق سوتىندا زارەچنىي پوليتسييا بٶلٸمٸنٸڭ قىزمەتكەرلەرٸنە سوت ٷكٸمٸ شىقتى. ولارعا قىلمىستىق كودەكستٸڭ «ازاپتاۋ» بويىنشا ايىپ تاعىلعان, دەپ حابارلايدى قازاقپارات تٸلشٸسٸ.
ٸس ماتەريالىنا سٷيەنسەك, 2019 جىلدىڭ 25 قاڭتار كٷنٸ ساعات 18:40 پەن 22:40 ارالىعىندا بٸر توپ پوليتسييا قىزمەتكەرٸ جەبٸرلەنۋشٸ ر.قۇلمۇحامبەتوۆتى ۇرىپ-سوعىپ ٶزٸ ٸستەمەگەن قىلمىستى تاڭىپ, مويىنداتپاق بولعان. باسىنا پوليەتيلەن پاكەتٸن كيگٸزٸپ, پسيحولوگييالىق قىسىم كٶرسەتكەن, بٸرنەشە ۇرلىقتى ٶز موينىنا الۋعا كٶندٸرمەك نيەتپەن تەپكٸنٸڭ استىنا العان. بۇل ٸس بويىنشا اقتٶبە قالاسى الماتى اۋداندىق №4 پوليتسييا بٶلٸمٸ باستىعىنىڭ ورىنباسارى رۋسلان ەسانوۆ پەن ونىڭ قولاستىنداعى مارات تەمٸرعاليەۆ, داستان حودجيباەۆ پەن پوليتسييا لەيتەنانتى اسىلبەك تالاسباەۆقا ايىپ تاعىلدى. بەرٸ ٷيلەنگەن, بالالارى بار. ولار ايىپتاۋ قورىتىندىسىن 2019 جىلدىڭ ماۋسىم ايىندا الدى.
«رۋسلان ەسانوۆ قىلمىستى كودەكستٸڭ 146-بابى 1-بٶلٸگٸ 2-تارماعى بويىنشا ايىپ دەپ تانىلىپ, 5 جىلعا باس بوستاندىعىنان ايىرۋ جازاسى تاعايىندالسىن. قۇقىق قورعاۋ سالاسىندا 3 جىل جۇمىس ٸستەۋ قۇقىعىنان ايىرىلسىن. جازاسىن قىلمىستىق اتقارۋ جٷيەسٸنٸڭ قاۋٸپسٸزدٸگٸ ورتاشا مەكەمەسٸندە ٶتەسٸن. پوليتسييا كاپيتانى, «ەرلٸگٸ ٷشٸن» مەدالٸنەن ايىرىلسىن», - دەدٸ سۋديا اديلوۆا. سونىمەن قاتار مارات تەمٸرعاليەۆ پوليتسييا كاپيتانى شەنٸنەن ايىرىلىپ, 5 جىلعا, داستان حودجيباەۆ 4 جىلعا, اسىلبەك تالاسباەۆ 4 جىلعا باس بوستاندىعىنان ايىرىلدى. بەرٸ دە 3 جىل بويى قۇقىق قورعاۋ سالاسىندا جۇمىس ٸستەي المايدى. بۇعان دەيٸن ەشقايدا كەتپەۋ تۋرالى قولحاتپەن بوستاندىقتا جٷرگەن پوليتسييا قىزمەتكەرلەرٸنە سوت زالىندا كٸسەن سالىندى.
«بٸز مۇنداي بولادى دەپ ويلامادىق. ٷيدەن ەش الاڭسىز شىعىپ كەتتٸك. بالا-شاعامىزدى, اتا-انامىزدى دا ەرتٸپ كەلمەدٸك. قوعامنىڭ نازارىن دا اۋدارۋ كەرەك ەدٸ. بٸزدٸڭ ەش كٸنەمٸز جوق», - دەدٸ سوتتالۋشى رۋسلان ەسانوۆ.
جەبٸرلەنۋشٸ قۇلمۇحامبەتوۆتىڭ مورالدىق شىعىندى ٶندٸرۋ تۋرالى ارىزى ٸشٸنارا قاناعاتتاندىرىلدى. سوتتالۋشىلاردىڭ بەرٸ 500 مىڭ تەڭگە تٶلەۋٸ تيٸس.
