فوتو: ٷكٸمەت
اكتيۆتەردٸ قايتارۋ: اۋىلدىق جەرلەردە مەديتسينالىق ينفراقۇرىلىم سالۋعا 144 ملرد تەڭگەدەن استام قارجى بٶلٸندٸ, دەپ حابارلايدى Ult.kz.
ٷكٸمەتتٸڭ باسىم مٸندەتتەرٸنٸڭ بٸرٸ – حالىقتى ساپالى جەنە قولجەتٸمدٸ دەنساۋلىق ساقتاۋ قىزمەتتەرٸمەن قامتاماسىز ەتۋ. وسى باعىتتى جٷزەگە اسىرۋ جەنە پرەزيدەنتتٸڭ ەلەۋمەتتٸك ينفراقۇرىلىمدى دامىتۋ جٶنٸندەگٸ تاپسىرماسىن ورىنداۋ ماقساتىندا اقتٶبە وبلىسى قوبدا اۋدانى بەگالى اۋىلىندا جاڭا مەديتسينالىق پۋنكت اشىلدى.
نىسان «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا سالىنعان نىساننىڭ جالپى قۇنى – 132 ملن تەڭگە, ونىڭ 65 ملن تەڭگەسٸن ٷكٸمەت ارناۋلى مەملەكەتتٸك قوردان بٶلدٸ.
اۋدانى 150 شارشى مەتردەن اساتىن جاڭا عيمارات بٸر اۋىسىمدا 25 كەلۋگە ارنالعان. مەديتسينالىق پۋنكتتٸ پايدالانۋعا بەرۋ اۋىلدىڭ 300-دەن استام تۇرعىنىن ساپالى جەنە ۋاقتىلى مەديتسينالىق كٶمەكپەن قامتاماسىز ەتۋگە مٷمكٸندٸك بەرەدٸ. نىسان زاماناۋي قۇرىلعىلارمەن جابدىقتالعان.
قۇرىلىس كەزٸندە ينكليۋزيۆتٸلٸككە, قيمىل-قوزعالىسى شەكتەۋلٸ ادامداردىڭ قولجەتٸمدٸلٸگٸن قامتاماسىز ەتۋگە كٶڭٸل بٶلٸندٸ.
مەديتسينالىق نىساننىڭ اشىلۋى اۋىل تۇرعىندارىنىڭ العاشقى مەديتسينالىق-سانيتارييالىق كٶمەككە قولجەتٸمدٸلٸگٸن ارتتىرادى, سونداي-اق مەديتسينا قىزمەتكەرلەرٸنٸڭ ەڭبەك جاعدايىن جاقسارتادى.
اقتٶبە وبلىسىندا قايتارىلعان اكتيۆتەر قاراجاتى ەسەبٸنەن قۇرىلعان ارناۋلى مەملەكەتتٸك قوردان اۋىلدىق دەنساۋلىق ساقتاۋ سالاسى بويىنشا بارلىعى 11 جوبا جٷزەگە اسىرىلۋدا. بٷگٸنگٸ تاڭدا 5 نىسان پايدالانۋعا بەرٸلدٸ, التاۋىنىڭ قۇرىلىسى جالعاسۋدا.
قايتارىلعان اكتيۆتەر قاراجاتىن پايدالانا وتىرىپ, دەنساۋلىق ساقتاۋ سالاسىن دامىتۋ جۇمىستارى بٷكٸل ەل بويىنشا جٷرگٸزٸلۋدە. 2024-2025 جىلدار ارالىعىندا دەنساۋلىق ساقتاۋ نىساندارىن سالۋعا جەنە جاڭعىرتۋعا ارناۋلى مەملەكەتتٸك قوردان 144,2 ملرد تەڭگە بٶلٸندٸ. ينفراقۇرىلىمدى اۋقىمدى جاڭارتۋ اۋىل تۇرعىندارىن قالاعا بارماي-اق ساپالى مەديتسينالىق قىزمەتتەر مەن تەكسەرۋلەرگە قولجەتٸمدٸلٸكپەن قامتۋدى كەڭەيتۋگە مٷمكٸندٸك بەردٸ.
جالپى, «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا 2022-2025 جىلدار ارالىعىندا اۋىلدىق جەرلەردە 813 دەنساۋلىق ساقتاۋ نىسانى, ونىڭ 620 العاشقى مەديتسينالىق-سانيتارييالىق كٶمەك نىسانى سالىندى. ناقتىراق ايتساق, 2024 جىلى 392 نىسان پايدالانۋعا بەرٸلسە, 2025 جىلعا قوسىمشا 188 نىساندى سالۋ جوسپارلانعان.
زاماناۋي اۋدانارالىق اۋرۋحانالار مەن مساك جەلٸسٸن دامىتۋ ۇلت دەنساۋلىعىنىڭ كٶرسەتكٸشتەرٸن تٸكەلەي جاقسارتتى. وسىلايشا, ونكولوگييالىق اۋرۋلاردى ەرتە انىقتاۋ 3,5%-عا ٶسٸپ, 32,6%-دى قۇرادى, ال 60%-دان استامى باستاپقى ساتىسىندا دياگنوز قويىلادى. 23-ٸ اۋداندىق اۋرۋحانالاردا ورنالاسقان 83 ينسۋلت ورتالىعىنىڭ جۇمىسى ترومبوليز ٷلەسٸن 6%-عا دەيٸن ارتتىرۋعا مٷمكٸندٸك بەردٸ. سونىمەن قاتار جاڭا مامانداندىرىلعان ورتالىقتاردىڭ اشىلۋى بالالارعا وڭالتۋ كٶمەگٸنٸڭ قولجەتٸمدٸلٸگٸن ەدەۋٸر ارتتىردى.
مەديتسينا ينفراقۇرىلىمىن جەنە قىزمەت كٶرسەتۋ ساپاسىن جاقسارتۋ جٶنٸندەگٸ كەشەندٸ شارالار اۋىل تۇرعىندارىنىڭ ٶمٸر سٷرۋ ۇزاقتىعىنا وڭ ەسەرٸن تيگٸزدٸ, كٶرسەتكٸش 2024 جىلدىڭ قورىتىندىسى بويىنشا 74,2 جاسقا ۇزارعان.
