اقتٶبە وبلىسىنىڭ ەكٸمٸ وڭداسىن ورازالين شوشقا فەرماسىنداعى جاعدايعا قاتىستى ٶز ويىن بٸلدٸردٸ, دەپ حابارلايدى "ۇلت اقپارات".
«بەستاماقتا بولعان جاعدايعا بايلانىستى بارلىق قۇزىرلى مەكەمەگە تيٸستٸ تاپسىرما بەردٸم. قازٸر وسىعان قاتىستى ارنايى كوميسسييا قۇرىلدى. ولار جاعدايدى جٸتٸ تەكسەرەتٸن بولادى. سونداي-اق, وسى سالاعا جاۋاپتى ورىنباسارىم مەن ەكولوگ ماماندار بريفينگ بەردٸ. كوميسسييا تەكسەرٸستٸ اياقتاعان سوڭ, بارلىعىن اشىق باياندايتىن بولادى. ارانداتۋشىلىققا جول بەرمەيمٸز. بٸزدٸڭ باستى جەتٸستٸگٸمٸز – بەرەكە مەن بٸرلٸك, تىنىشتىق. اۋىزبٸرشٸلٸك تانىتايىق, ەبدەن ٸستٸڭ بايىبىنا بارىپ, سابىر ساقتاپ, قۇزىرلى ورگانداردىڭ تەكسەرۋ نەتيجەسٸن كٷتەيٸك», - دەپ جازدى وبلىس ەكٸمٸ وڭداسىن ورازالين.
ەسكە سالساق, اقتٶبە وبلىسى العا اۋدانىنىڭ تۇرعىندارى شوشقا فەرماسىنداعى بٸراز كەمشٸلٸكتٸ اتادى. ولار ٸشەك-قارىندى جويۋ, ٶلەكسەنٸ زالالسىزداندىرۋ جۇمىسى جٷرگٸزٸلمەيتٸنٸن, كٶمۋ كەزٸندە بٸراز تالاپتىڭ ساقتالمايتىنىن ايتتى. قازٸر مۇندا شوشقا سويۋ جۇمىسى توقتاپ تۇر. ەكولوگتار دا كەمشٸلٸكتٸڭ تٸركەلگەنٸن راستادى.
