اقتٶبە وبلىسىندا 2 مىڭعا جۋىق ادام دٸني احۋال بويىنشا ەسەپتە تۇر. بۇل تۋرالى ٶڭٸر ەكٸمٸ وڭداسىن ورازالين ورتالىق كوممۋنيكاتسييالار قىزمەتٸندە مەلٸم ەتتٸ, دەپ حابارلايدى قازاقپارات.
«مەنٸڭ ويىمشا, بۇل جەردە بۇرىنعى جىلدارمەن سالىستىرعاندا دٸني احۋال سونداي كٷردەلەنٸپ بارا جاتىر دەپ ايتا المايمىز. ەرينە, دەسترۋكتيۆتٸ دٸني اعىمداردا جٷرگەن بٸراز جەرلەسٸمٸز بار. بٸز تٷسٸنۋٸمٸز كەرەك. ولار دا قازاقستاننىڭ ازاماتتارى, سىرتتان كەلگەن بٶتەن ادام ەمەس. سول تۇرعىدان قاراۋىمىز قاجەت. ەرينە ادام بولعان سوڭ, ونىڭ ساياسي دا, دٸني جاعىنان دا كٶزقاراسى ەرتٷرلٸ بولۋى مٷمكٸن. بٸز بٸر جاعىنان زايىرلى مەملەكەتپٸز», - دەگەن ەكٸم كونستيتۋتسييا بويىنشا دٸندەرگە تەڭ قۇقىق بەرٸلگەنٸن ەسكە سالدى.
«ولارعا بٸز «ەرٸ كەت» دەپ ايتا المايمىز. قولىمىزدان كەلگەنشە ارتىق ٸسكە بارماعانىن تٸلەيمٸز. مۇنداعى بٸردەن-بٸر مەسەلە – ولاردى ەلەۋمەتتەندٸرۋ. ٶزدەرٸنە, جانىندا جٷرگەن جولداستارىنا جۇمىس ۇسىنۋ, بالالارىن قالىپتى مەكتەپتەردە وقىتۋ سيياقتى سيياقتى باۋىرعا تارتۋ شارالارىن جاساپ جاتىرمىز. ەر اۋداندا ٶزٸنٸڭ تيٸستٸ جوسپارلارى بار. ەرينە, كەيبٸر اۋدانداردا دٸني احۋال ٶتە كٷردەلٸ دە بولۋى مٷمكٸن. بٸراق وبلىستا بۇرىنعى جىلدارمەن سالىستىرعاندا اسىپ بارا جاتقان پروبلەما جوق. دەي تۇرعانمەن بۇل باعىتتاعى جۇمىستاردى جالعاستىرامىز. ٶيتكەنٸ ٶڭٸردە 2 مىڭعا جۋىق جەرلەسٸمٸز دەسترۋكتيۆتٸ دٸني اعىمداردىڭ ەسەبٸندە تۇر. بٸز ونى جاۋ دەپ ەسەپتەمەيٸك. ٶزٸمٸزدٸڭ ٸشٸمٸزدەن شىققان باۋىرلار, جەرلەستەرٸمٸز. بۇلارعا تٷسٸندٸرۋ, ەلەۋمەتتەندٸرۋ جۇمىستارىن جٷرگٸزٸپ, جۇمىس ورنىن تاۋىپ بەرٸپ, كەسٸپكەرلٸكپەن اينالىسۋىنا مٷمكٸندٸك جاساۋىمىز كەرەك», - دەدٸ وڭداسىن ورازالين.
