بٷگٸن اقتٶبە وبلىسىنداعى جاڭاجول جەنە كەڭكيياق مۇناي كەن ورىندارىندا قىزمەت ەتٸپ جٷرگەن 80-گە جۋىق جٷرگٸزۋشٸ قىزمەت كٶرسەتۋ تاريفٸن كٶتەرۋ, جالاقىنى ارتتىرۋدى تالاپ ەتٸپ, جۇمىسقا شىقپاي قويدى. ۆيدەو ەلەۋمەتتٸك جەلٸدە تاراعان, دەپ حابارلايدى قازاقپارات.
جٷرگٸزۋشٸلەر «سپنس اقتٶبەمۇنايگاز» اق ٷشٸن قوسالقى مەردٸگەرلٸك قىزمەتٸن كٶرسەتۋمەن اينالىساتىن «سنپس-اۆتوترانسپورتنايا كومپانييا» كومپانيياسىندا جۇمىس ٸستەيدٸ.
«80-گە جۋىق جٷرگٸزۋشٸ تاڭەرتەڭ جۇمىسقا شىقپاي قويدى, سودان كەيٸن ولاردىڭ سانى 65-كە جەتكەن. بۇل — جەڭٸل كٶلٸك جٷرگٸزۋشٸلەرٸ. جۇمىسقا تاپسىرىس بەرۋشٸ «سپنس-امگ», ال «سنپس-اۆتوترانسپورتنايا كومپانييا» - ونىڭ مەردٸگەرٸ, ونىڭ قوسالقى مەردٸگەرلٸگٸندە كٶلٸكتٸك قىزمەت كٶرسەتەتٸن, دجيپتەر, جەڭٸل كٶلٸكتەر مەن ارنايى تەحنيكانى ۇسىناتىن التى جشس پەن جك بار. بٷگٸن تەحنيكا جاي تۇر, جٷرگٸزۋشٸلەر جۇمىسقا شىقپادى. ولار كٶرسەتٸپ وتىرعان قىزمەتٸنٸڭ تاريفٸن كٶتەرۋدٸ تالاپ ەتۋدە. ولاردىڭ ايتۋىنشا, تاريفتٸ ديزەل وتىنى باعاسىنىڭ كٶتەرٸلۋٸ سەبەبٸمەن اۋىستىرۋ كەرەك. بۇل جاعداي تۋرالى بٸز ەلەۋمەتتٸك جەلٸ ارقىلى بٸلدٸك. جٷرگٸزۋشٸلەر بٸزدٸ دە, تاپسىرىس بەرۋشٸلەردٸ دە ول تۋرالى ەسكەرتكەن جوق. وقيعا ورنىنا باسقارمامىزدىڭ, پروكۋراتۋرا جەنە وبلىستىق ەكٸمدٸك قىزمەتكەرلەرٸ شىقتى, ولار جٷرگٸزۋشٸلەرمەن سٶيلەسٸپ, مەسەلەنٸ كەشكە دەيٸن شەشۋٸ تيٸس», - دەيدٸ اقتٶبە وبلىستىڭ ەڭبەك ينسپەكتسيياسى باسقارماسى باستىعىنىڭ ورىنباسارى تالعات يسكارين.
جٷرگٸزۋشٸلەردٸڭ ورتاشا جالاقىسى – 200 مىڭعا جۋىق تەڭگە, ولار جالاقىنى ەكٸ ەسە ارتتىرۋىن تالاپ ەتٸپ وتىر.
