Búgin Aqtóbe oblysyndaǵy Jańajol jáne Keńkiiaq munai ken oryndarynda qyzmet etip júrgen 80-ge jýyq júrgizýshi qyzmet kórsetý tarifin kóterý, jalaqyny arttyrýdy talap etip, jumysqa shyqpai qoidy. Video áleýmettik jelide taraǵan, dep habarlaidy QazAqparat.
Júrgizýshiler «SPNS Aqtóbemunaigaz» AQ úshin qosalqy merdigerlik qyzmetin kórsetýmen ainalysatyn «SNPS-Avtotransportnaia kompaniia» kompaniiasynda jumys isteidi.
«80-ge jýyq júrgizýshi tańerteń jumysqa shyqpai qoidy, sodan keiin olardyń sany 65-ke jetken. Bul — jeńil kólik júrgizýshileri. Jumysqa tapsyrys berýshi «SPNS-AMG», al «SNPS-Avtotransportnaia kompaniia» - onyń merdigeri, onyń qosalqy merdigerliginde kóliktik qyzmet kórsetetin, djipter, jeńil kólikter men arnaiy tehnikany usynatyn alty JShS pen JK bar. Búgin tehnika jai tur, júrgizýshiler jumysqa shyqpady. Olar kórsetip otyrǵan qyzmetiniń tarifin kóterýdi talap etýde. Olardyń aitýynsha, tarifti dizel otyny baǵasynyń kóterilýi sebebimen aýystyrý kerek. Bul jaǵdai týraly biz áleýmettik jeli arqyly bildik. Júrgizýshiler bizdi de, tapsyrys berýshilerdi de ol týraly eskertken joq. Oqiǵa ornyna basqarmamyzdyń, prokýratýra jáne oblystyq ákimdik qyzmetkerleri shyqty, olar júrgizýshilermen sóilesip, máseleni keshke deiin sheshýi tiis», - deidi Aqtóbe oblystyń Eńbek inspektsiiasy basqarmasy bastyǵynyń orynbasary Talǵat Iskarin.
Júrgizýshilerdiń ortasha jalaqysy – 200 myńǵa jýyq teńge, olar jalaqyny eki ese arttyrýyn talap etip otyr.
