اقتٶبە وبلىستىق تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا ٶڭٸردەگٸ ەپيدەميولوگييالىق جاعداي تۋرالى ايتتى, دەپ حابارلايدى "ۇلت اقپارات".
سوڭعى تەۋلٸكتە اقتٶبە وبلىسىندا 1 ادامنان كوروناۆيرۋس ينفەكتسيياسى انىقتالدى. 31 جاستاعى اقتٶبە تۇرعىنى پروفيلاكتيكالىق ماقساتتا تەكسەرٸلگەن. پتر-سىناماسى ونىڭ ۆيرۋس جۇقتىرعانىن كٶرسەتكەن. بٷگٸنگە دەيٸن ٶڭٸردە بارلىعى 3 مىڭنان استام ادام ۆيرۋس جۇقتىرسا, ولاردىڭ 98 پايىزى جازىلىپ شىقتى.
«شەكارالاردا شەكتەۋ شاراسى كٷشەيتٸلدٸ. اقتٶبە وبلىسىندا ەكٸ شەكارا بەكەتٸ بار. قارعالى مەن مەرتٶك ارقىلى 6-14 قازان ارالىعىندا 3600-دەن استام ادام ٶتتٸ. ونىڭ ٸشٸندە انىقتاما قۇجاتى بولماعان 594 ادامنان پتر-سىناما الىنىپ, ەكەۋٸنٸڭ نەتيجەسٸ وڭ بولىپ شىقتى. ولار وقشاۋلانىپ, ەم الۋدا. كٶرسەتكٸش كەيبٸر وبلىستا اسىپ كەتٸپ جاتىر. شەكتەۋ دە كٷشەيتٸلگەن. اقتٶبە وبلىسىندا ەپيدەميولوگييالىق جاعداي تۇراقتى. ەگەر بۇعان دەيٸنگٸ قاۋلىدا بەكٸتٸلگەن تالاپتى ساقتاپ, سانيتارلىق ەرەجەنٸ ۇستاناتىن بولساق, جاڭا قاۋلى قابىلدانبايدى. كٶرسەتكٸشتٸ ساقتاپ قالۋ ٶزٸمٸزدٸڭ قولىمىزدا. بەتپەردە تاعىپ, ەلەۋمەتتٸك اراقاشىقتىقتى ساقتاۋ قاجەت», - دەدٸ نۇرسۇلۋ بەركٸمباەۆا.
ايتا كەتەيٸك, وبلىستا كارانتين تالاپتارىنىڭ ساقتالۋىن تەكسەرەتٸن مونيتورينگٸلٸك توپتار جۇمىس ٸستەيدٸ. بارلىعى 1 مىڭعا جۋىق حاتتاما تولتىرىلىپ, 82 ميلليون تەڭگەدەن استام ايىپپۇل سالىندى.
ەسكە سالساق, ٶڭٸردە قاجەتتٸلٸك تۋىنداعان جاعدايدا تٶسەك-ورىن سانى 315-تەن 3603-كە دەيٸن ۇلعايتىلماق. 6 قازاننان باستاپ ا.دوسجانوۆا جاتاقحاناسى, جايساڭ كٶپسالالى كوللەدجٸ, قارعالى اۋدانىنىڭ ەلٸمبەت مەكتەپ-ينتەرناتىنان 440 ورىندىق 3 ستاتسيونار ٸسكە قوسىلدى. وبلىستاعى 1547 تٶسەك-ورىننىڭ 1438-ٸ, ياعني, 93% وتتەگٸمەن قامتىلعان.
