اقتٶبە وبلىسىندا كيٸك اتىپ, مٷيٸزٸن ساتىپ كەلگەن بٸر توپ ادام ۇستالدى, دەپ حابارلايدى "ۇلت اقپارات".
«اقتٶبەلٸك پوليتسەيلەر «جەدەل ٸزدەستٸرۋ ٸس-شارالارىن جٷرگٸزۋ بارىسىندا پوليتسەيلەر اقتٶبە مەن ەيتەكە بي اۋدانى تۇرعىندارىنىڭ كيٸكتٸ زاڭسىز اتۋ جەنە ساتۋ اينالىمىنا قاتىسى بارى تۋرالى اقپارات الدى. 10 تامىزدا پوليتسەيلەر قارابۇتاق كەنتٸندە كٷدٸكتٸلەرمەن ساتىپ الۋشىلار رەتٸندە كەزدەسۋ ۇيىمداستىردى», - دەيدٸ وبلىستىق پوليتسييا دەپارتامەنتٸ باستىعىنىڭ ورىنباسارى قانات نۇرماعامبەتوۆ.
ونىڭ ايتۋىنشا, ارنايى قابىلدانعان شارالار نەتيجەسٸندە پد قىزمەتكەرلەرٸ بۇرىن سوتتى بولعان 4 ادامدى ۇستادى. ولاردىڭ ەكەۋٸ ەيتەكە بي اۋدانىنداعى شارۋا قوجالىقتارىنىڭ باسشىلارى بولىپ شىقتى.
كٷدٸكتٸلەردەن جالپى سالماعى 50 كەلٸ بولاتىن 135 دانا مٷيٸز تەركٸلەندٸ. سونىمەن قاتار, ولاردىڭ بٸرٸنٸڭ ٷيٸن تٸنتۋ بارىسىندا تٸركەلمەگەن مىلتىق تەركٸلەنٸپ, قورادان سويىلعان ەكٸ كيٸك پەن جابايى قابان تابىلدى.
براكونەرلەر بارلىعى 70 باس كيٸكتٸ اتقان.
وبلىستىق پد باسپاسٶز قىزمەتٸنٸڭ حابارلاۋىنشا, قىلمىستىق كودەكستٸڭ «ٶسٸمدٸكتەردٸڭ نەمەسە جانۋارلاردىڭ سيرەك كەزدەسەتٸن جەنە قۇرىپ كەتۋ قاۋپٸ تٶنگەن, سونداي-اق پايدالانۋعا تىيىم سالىنعان تٷرلەرٸمەن, ولاردىڭ بٶلٸكتەرٸمەن نەمەسە دەريۆاتتارىمەن زاڭسىز ٸس جٷرگٸزۋ» بابى بويىنشا سوتقا دەيٸنگٸ تەرگەۋ باستالدى.
ايتا كەتەيٸك, جىل باسىنان بەرٸ اقتٶبە وبلىسىندا كيٸكتٸ زاڭسىز اتقان 2 فاكتٸ جەنە مٷيٸزٸن ساتۋ بويىنشا 8 دەرەك تٸركەلدٸ.
