ەدەپ جٶنٸندەگٸ كەڭەس جەر تەلٸمٸن جالعا بەرۋ, جەردٸ مەملەكەت مەنشٸگٸنە قايتارۋ كوميسسيياسىنىڭ جۇمىسىن تەكسەردٸ. ٶز ٸنٸسٸنە جەر تەلٸمٸن بەرگەن ىرعىز اۋداندىق جەر قاتىناستارى بٶلٸمٸنٸڭ باسشىسى ارالباي ەرالين مەن ىرعىز اۋىلدىق وكرۋگٸنٸڭ ەكٸمٸ التىنبەك سارين قىزمەتٸنەن ايىرىلۋى مٷمكٸن, دەپ حابارلايدى "ۇلت اقپارات".
مەملەكەتتٸك قىزمەت ٸستەرٸ اگەنتتٸگٸ وبلىستىق دەپارتامەنتٸنٸڭ ەدەپ كەڭەسٸ ىرعىز اۋداندىق پروكۋراتۋراسىنىڭ ۇسىنىسىن قاداعالاۋدى كٷشەيتتٸ.
كەڭەس ىرعىز اۋداندىق جەر قاتىناستارى بٶلٸمٸنٸڭ باسشىسى ارالباي ەرالين, ىرعىز اۋداندىق كەسٸپكەرلٸك جەنە اۋىل شارۋاشىلىعى بٶلٸمٸنٸڭ باسشىسى ارمان نۋرەكەشوۆ, ىرعىز اۋداندىق قۇرىلىس, سەۋلەت, تۇرعىن ٷي-كوممۋنالدىق شارۋاشىلىعى, جولاۋشىلار كٶلٸگٸ جەنە اۆتوموبيل جولدارى بٶلٸمٸنٸڭ باسشىسى يگور تۇرتاەۆ جەنە ىرعىز اۋىلدىق وكرۋگٸنٸڭ ەكٸمٸ التىنبەك سارينگە قاتىستى تەرتٸپتٸك ٸس قوزعاپ, قىزمەتتٸك تەرگەۋ جٷرگٸزدٸ.
«2020 جىلدىڭ 24-26 تامىز ارالىعىندا شارۋا نەمەسە فەرمەر قوجالىعىنا جەردٸ ۋاقىتشا جالعا بەرۋ ٷشٸن جەر كوميسسيياسىنىڭ وتىرىسى ٶتتٸ. سول كەزدە كونۆەرتتەردٸ اشۋ رەسٸمٸ اۋديو, بەينەجازباعا تٷسٸرٸلمەگەن. سونىمەن بٸرگە جەر كوميسسيياسىنىڭ وتىرىسىن ٶتكٸزۋ حاتتاماسى اۋديو-بەينە جازباعا سەيكەس تولتىرىلماعان. ياعني, بەينە جازباعا سەيكەس 6 لوت بويىنشا داۋىس بەرۋ ەسەبٸ تەپە-تەڭ بولسا, حاتتاماعا سەيكەس داۋىس بەرۋ ەسەبٸ نەگٸزسٸز جوعارىلاتىلىپ, وعان بارلىق كوميسسييا مٷشەسٸ قول قويعان. ال ىرعىز اۋداندىق جەر قاتىناستارى بٶلٸمٸنٸڭ باسشىسى ا.ەرالين «نۇرعالي» شارۋا قوجالىعىنا 2020 جىلدىڭ 6 قازانىنان باستاپ 2021 جىلدىڭ 6 ناۋرىزىنا دەيٸن نۇرا اۋىلدىق وكرۋگٸنٸڭ اۋماعىنان قىس مەزگٸلٸندە ماۋسىمدىق شٶپ شابۋ ٷشٸن 15 637 گا جەر ۋچاسكەسٸن بەرگەن», - دەدٸ قر مەملەكەتتٸك قىزمەت ٸستەرٸ اگەنتتٸگٸنٸڭ اقتٶبە وبلىسى بويىنشا دەپارتامەنتٸنٸڭ مەملەكەتتٸك قىزمەت سالاسىن باقىلاۋ باسقارماسىنىڭ باس مامانى قايرات اكيەۆ.
سونىمەن قاتار ىرعىز اۋدانى, امانكٶل اۋىلدىق وكرۋگٸنٸڭ اۋماعىندا ورنالاسقان 1434 گا جەر ۋچاسكەسٸن الۋعا ە.ەرالين مەن ت. جۇبانىشەۆ ٶتٸنٸش بٸردٸرگەن.
جەر كوميسسيياسى تٶراعاسىنىڭ ورىنباسارى ا.ەرالين كونكۋرسقا قاتىسقان ٶز ٸنٸسٸ ەربول ەرالينگە باسىمدىق بەرٸپ, بٸراۋىزدان ونى جەڭٸمپاز دەپ تانىدى.
«مەملەكەتتٸك قىزمەتتە جٷرگەنٸمە 11 جىل بولدى. قاتەلٸك كەتتٸ, مەن ونى مويىندايمىن. نەگٸزٸ كوميسسييا وتىرىسى قايتا-قايتا كەيٸنگٸ شەگەرٸلدٸ. ادام سانى دا جەتپەدٸ. قازٸر ٸنٸم جەر الىپ, مال باعىپ وتىر», - دەدٸ ىرعىز اۋداندىق جەر قاتىناستارى بٶلٸمٸنٸڭ باسشىسى ارالباي ەرالين.
ەدەپ كەڭەسٸندە ا.نۋرەكەشوۆ, ي. تۇرتاەۆقا قاتىستى قىزمەتكە تولىق سەيكەس ەمەس تٷرٸندەگٸ تەرتٸپتٸك جازا قولدانۋ ۇسىنىلسا, ال ا.ەرالين مەن ا.ساريندٸ جۇمىستان شىعارۋ تٷرٸندەگٸ تەرتٸپتٸك جازا قولدانۋ تۋرالى شەشٸم قابىلداندى.
