اقتٶبەلٸك وقۋشى دياس سەكەن «اقتٶبە» - «استانا» ماتچىنا بيلەت تاپپاي, جارتى ساعات بويى ستاديون سىرتىندا سىعالاپ وتىردى. ول ٶزٸنە ابونەمەنت سىيلاۋدى تاپسىرعان وبلىس ەكٸمٸنە العىسىن جەتكٸزدٸ, دەپ حابارلايدى قازاقپارات اگەنتتٸگٸ.
بوزبالا بٸر-اق سەتتە ەلٸمٸزگە تانىلدى. ول كەشە «اقتٶبە» - «استانا» ماتچىن تاماشالاۋعا بارعانىمەن, ستاديونعا كٸرە الماي قالعان.
سٶيتٸپ ويىندى سىعالاپ قاراپ, شىن جانكٷيەر ەكەنٸن بٸلدٸردٸ.
«ماتچقا بيلەتتٸ ەلەكتروندى تٷردە ساتىپ العىم كەلدٸ. بٸراق بولمادى. كەيٸن كاسسادان العىم كەلدٸ. وندا دا بولمادى. ويىن كٷنٸ ستاديوندى بٸر اينالىپ شىقتىم. نەگٸزٸ ويىندى تاماشالاۋعا اتاممەن بٸرگە باردىم. كەيٸن ٷيگە قايتامىز دەپ تۇرعاندا اتامنىڭ كٶلٸگٸ كٶپ ماشينانىڭ ورتاسىندا قالىپ قويعانىن كٶردٸك. ۋاقىتتى تەككە ٶتكٸزبەس ٷشٸن مەن ستاديونعا قايتا باردىم. سىرتىنان قارايىن دەپ شەشتٸم دە سىعالاپ وتىردىم. قوناقتار وتىراتىن ورىننىڭ ارتىندا سىعالايتىن جەر بار. سوندا الاڭ جارتىلاي كٶرٸندٸ. وتىرعانىما 30 مينۋتتاي بولدى. مەنٸڭ تٷرٸمدٸ كٶرگەن ايدىن قوجاحمەتوۆ ٸشكٸ كٸرگٸزٸپ الدى. تٸپتٸ «بٸز ۇتتىق» دەپ قۇشاقتاپ الدى. ٶتە ەسەرلٸ ويىن دەپ ايتىپ ەدٸم. سٶيتٸپ ماتچتىڭ ورتاسىنان باستاپ ويىندى ستاديوندا تاماشالادىم», - دەدٸ اقتٶبەلٸك جانكٷيەر.
دياس قازٸر جازعى دەمالىستا جٷر. بوس ۋاقىتىندا فۋتبول, ۆولەيبول وينايدى.
«فۋتبولدى كومپيۋتەردە ويناپ قىزىقتىم. كەيٸن ارنايى ٷيٸرمەگە قاتىستىم. ٶزٸمنٸڭ ارمانىم – فۋتبولشى بولۋ. كەيدە كەسٸپكەر دە بولعىم كەلەدٸ. ٶزٸم بيىل №56 ورتا مەكتەپتٸڭ 8-سىنىبىن بٸتٸردٸم», - دەيدٸ ول.
دياس سەكەن ماۋسىمدىق ابونەمەنت العانىنا قۋانىشتى. ول ەرەكشە سىي جاساعان وبلىس ەكٸمٸ وڭداسىن ورازالينگە العىسىن بٸلدٸردٸ.
