فوتو: ٷكٸمەت
استانا قالاسىندا ق. مۇڭايتپاسوۆ اتىنداعى ەسكٸ ستاديوننىڭ ورنىنا جاڭا سپورت نىسانى سالىنادى. جوباعا ارناۋلى مەملەكەتتٸك قوردان 17,3 ميلليارد تەڭگە قاراجات بٶلٸنگەن. بۇل تۋرالى Ult.kz حابارلايدى.
1936 جىلى سالىنعان ق. مۇڭايتپاسوۆ اتىنداعى ورتالىق ستاديون ۋاقىت ٶتە جارامسىز بولىپ, تولىعىمەن بٶلشەكتەلدٸ. جاڭا ستاديوننىڭ قۇرىلىسى 2025 جىلدىڭ سوڭىنا دەيٸن اياقتالۋى جوسپارلانعان.
جاڭا ستاديوننىڭ سىيىمدىلىعى 3 598 ورىنعا ەسەپتەلگەن, ونىڭ ٸشٸندە مٷمكٸندٸگٸ شەكتەۋلٸ ازاماتتارعا ارنالعان ارنايى ورىندار دا قاراستىرىلعان. نىسان UEFA حالىقارالىق ستاندارتتارىنا ساي سالىناتىن بولادى. قۇرىلىس اياقتالعاننان كەيٸن ستاديوندى استانا قالاسى ەكٸمدٸگٸنٸڭ №8 وليمپيادالىق رەزەرۆتەگٸ مامانداندىرىلعان بالالار-جاسٶسپٸرٸمدەر سپورت مەكتەبٸنٸڭ بالانسىنا بەرۋ كٶزدەلگەن.
سپورتشىلار ٷشٸن زاماناۋي جاعداي جاسالادى
جاڭا ستاديون وقۋ-جاتتىعۋ جيىندارىن ٶتكٸزۋگە ارنالعان جەنە سپورتشىلاردى دايىنداۋعا قولايلى جاعداي تۋعىزباق. نىساننىڭ ٸسكە قوسىلۋى سپورتتىق ٷدەرٸستٸ جاقسارتىپ قانا قويماي, جاسٶسپٸرٸمدەر مەن كەسٸبي سپورتشىلاردىڭ جوعارى نەتيجەلەر كٶرسەتۋٸنە مٷمكٸندٸك بەرەدٸ.
مەملەكەتتٸك قوردىڭ ەلەۋمەتتٸك جوبالارعا ٷلەسٸ
ارناۋلى مەملەكەتتٸك قوردان بٶلٸنگەن قارجى تەك ستاديون قۇرىلىسىنا عانا ەمەس, باسقا دا ماڭىزدى ەلەۋمەتتٸك جوبالارعا باعىتتالعان. مەسەلەن, ەلٸمٸزدٸڭ ەرتٷرلٸ ٶڭٸرلەرٸندە جالپى سوماسى 82 ميلليارد تەڭگەدەن اساتىن قارجىعا 16 نىسان سالىنىپ جاتىر. ولاردىڭ ٸشٸندە:
- 7 مەكتەپ (1 مۋزىكالىق مەكتەپتٸ قوسقاندا),
- 2 سپورت كەشەنٸ,
- كٶپسالالى اۋرۋحانا,
- وبلىستىق جەدەل جەردەم ستانساسى,
- ارنايى ەلەۋمەتتٸك قىزمەت كٶرسەتۋ ورتالىعى,
- جاتاقحانا جەنە 2 بالاباقشا.
سونىمەن قاتار, قىزىلوردا وبلىسىنىڭ ارال اۋدانىندا سۋمەن جابدىقتاۋ جٷيەلەرٸن سالۋ جەنە جاڭعىرتۋ جۇمىستارى جٷرگٸزٸلۋدە.
ەلەۋمەتتٸك ينفراقۇرىلىم دامۋىنىڭ ماڭىزى
وسىنداي جوبالاردىڭ جٷزەگە اسىرىلۋى ەلدەگٸ ەلەۋمەتتٸك ينفراقۇرىلىمنىڭ دامۋىنا ايتارلىقتاي ٷلەس قوسادى. جاڭا ستاديوننىڭ سالىنۋى – ەلوردا تۇرعىندارى مەن سپورتسٷيەر قاۋىم ٷشٸن قۋانىشتى جاڭالىق. سپورتتىق نىسان ەلدٸڭ سپورت سالاسىنداعى دامۋىنا جاڭا سەرپٸن بەرٸپ, جاس تالانتتاردى تەربيەلەۋگە جاعداي جاسايدى.
