اكتەر توم حەنكس زايىبى ريتا ۋيلسونمەن بٸرگە اۆسترالييادا كوروناۆيرۋسقا تاپسىرعان سىناماسىنىڭ قورىتىندىسى وڭ بولعانىن ايتىپ بەردٸ, دەپ جازادى ۆۆس.
63 جاستاعى حەنكس پەن ونىڭ زايىبى كۆيسلەندتە سۋىق تييۋ بەلگٸلەرٸ پايدا بولعان سوڭ, مەديتسينالىق كٶمەككە جٷگٸنگەن. بۇل تۋرالى اكتەر ينستاگرامداعى پاراقشاسىندا جازدى.
ەندٸ ولار ٷيدەگٸ كارانتيندە وتىراتىن بولادى.
اكتەر مەن ونىڭ زايىبى كۆيسلەندتٸڭ التىن جاعالاۋىندا ۋاقىت ٶتكٸزگەن. بۇل جەردە حەنكس ەلۆيس پرەسلي تۋرالى فيلمدٸ تٷسٸرۋ جۇمىستارىنا قاتىستى.
حەنكس ينستاگرامدا: «بٸز ٶزٸمٸزدٸ ازداپ شارشاعانداي سەزٸندٸك. سۋىق تييۋ بەلگٸلەرٸ پايدا بولىپ, دەنەمٸز اۋىردى. ريتا ازداپ قالتىراپ جٷردٸ. سونداي-اق, دەنە قىزۋىمىز دا بولعان. كوروناۆيرۋسقا تەست تاپسىرساق, ولار وڭ بولىپ شىقتى» دەپ جازعان.
حەنكس ەيەلٸ ەكەۋٸنٸڭ جاعدايى تۋرالى بارلىعىن حاباردار ەتٸپ وتىراتىنىن جەنە ٷيدەگٸ كارانتيندە قاجەتتٸ ۋاقىت ٶتكەنشە وتىراتىنىن حابارلادى.
