اقتاۋداعى جارىلىستان بٷلٸنگەن بٸراق رەسمي تٸزٸمگە ەنبەي قالعان كٶلٸك يەلەرٸ كەلتٸرٸلگەن شىعىندى ٶتەۋ ٷشٸن ساراپتاما جاساۋدى سۇراپ وتىر, - دەپ حابارلايدى Tengrinews.kz.
جارىلىستا عيمارات ماڭىنداعى كٶلٸكتەر عانا ەمەس, جارىلىس ورنىنان 120 مەتر قاشىقتا ورنالاسقان "سۇڭقار" كووپەراتيۆ اۋماعىندا بولعان كٶلٸكتەر دە بٷلٸنگەن. كٶلٸكتەردٸڭ بٸرٸنٸڭ يەسٸ ەدۋار ەگوروۆتىڭ ايتۋىنشا, پوليتسييا ولاردىڭ شىعىنىن ەلٸ تٸركەمەگەن.
"اۆتوكٶلٸكتٸڭ تەرەزەسٸ سىنعان, قالعان بٶلٸگٸ دە زاقىمدالعان. جارىلىستان ۇشقان سىنىق كٶلٸكتٸ زاقىمداعان. Ford F350 پيكاپ كٶلٸگٸ اقتاۋدا سيرەك كەزدەسەتٸن كٶلٸك. قاجەتتٸ بٶلشەكتەردٸ تابۋ قيىن. ساقتاندىرىلعان. سونداي-اق, تاعى بەس كٶلٸك قيرادى. بٸز شىعىندى كٸم ٶتەيتٸنٸن بٸلسەك دەيمٸز, بٸراق پوليتسييا ەشقانداي تٷسٸنٸكتەمە بەرگەن جوق. بٸزگە وقيعا ورنىندا جۇمىس ٸستەگەن بٸر عانا تەرگەۋشٸ كەلٸپ, كەلتٸرٸلگەن شىعىندى تەك سوت-مەديتسينالىق ساراپشى عانا باعالايتىنىن ايتتى", - دەيدٸ ەدۋار ەگوروۆ.
كٶلٸك يەسٸ 7 قاراشادان بەرٸ كٶلٸكتەرگە ساراپتاما جاسالماعانىن ايتتى. العاشىندا سوت-مەديتسينالىق ساراپشىنى تاڭ اتقانشا كٷتۋ كەرەگٸ ايتىلعانىمەن, 8 قاراشادا كەشكە قاراي پوليتسەيلەر شىعىندى جازبادى.
ماڭعىستاۋ وبلىسى ٸٸد باسپاسٶز قىزمەتٸ تٸكەلەي عيمارات ماڭىندا نەمەسە جولدا تۇرعان كٶلٸكتەردٸ ەۆاكۋاتسييالاعانىن حابارلادى. بۇل كٶلٸكتەر تەرگەۋ اياقتالعانعا دەيٸن قوسىمشا ساراپتاما جٷرگٸزۋ ٷشٸن ايىپپۇل تۇراعىنا قويىلعان.
"باسقا بٷلٸنگەن كٶلٸكتەر عيماراتتىڭ ارتقى جاعىندا تۇردى, ولاردى ەۆاكۋاتسييالاعان جوقپىز. قازٸر تەرگەۋ-جەدەل توبى وقيعا ورنىندا ەلٸ دە جۇمىس ٸستەپ جاتىر. بارلىق شىعىن تٸركەلەدٸ", - دەدٸ پوليتسييا قىزمەتكەرلەرٸ.
ۆەدومستۆو مەلٸمەتٸنشە, كٶلٸك يەلەرٸنە كەلتٸرٸلگەن شىعىندى ٶتەۋ جاۋاپكەرشٸلٸگٸ تەرگەۋ بارىسىندا انىقتالادى.
