اقتاۋ قالاسىندا ٶرت سٶندٸرۋشٸلەر ٶرتتٸ تولىق سٶندٸرمەي كەتٸپ قالعان. ۆيدەوجازباعا تٶتەنشە جاعدايلار كوميتەتٸ تٷسٸنٸكتەمە بەردٸ, دەپ جازادى Sputnik.
اقتاۋ ماڭىنداعى اتامەكەن اۋىلىندا ٶرت شىققانى تۋرالى حابارلاما 23 سەۋٸر كٷنٸ كەشكٸ التىنىڭ شاماسىندا تٷسكەن.
وقيعا ورنىنا دەرەۋ التى ادامنان تۇراتىن اقتاۋ قالاسى سپچ-2 كەزەكشٸ قاراۋىلى مەن ەكٸ تەحنيكا جٸبەرٸلگەن. ولار ٶرت شىققان جەرگە بار-جوعى سەگٸز مينۋتتا جەتكەن. جالىن ەكٸ قاباتتى ٷيگە تولىق شارپىعانى انىقتالدى, ٶرتتٸڭ جالپى اۋماعى – 150 شارشى مەتر.
سۋ سەگٸز جەنە التى توننالىق تسيستەرنالاردان ٷيدٸڭ ٸشٸ-سىرتىنا بٸر مەزگٸلدە تارتىلدى, دەپ اتاپ ٶتتٸ ٶرت سٶندٸرۋشٸلەر. قابىلدانعان شارالاردىڭ ارقاسىندا 18 ساعات 26 مينۋتتا ٶرت اۋىزدىقتالدى.
"سونىمەن بٸرگە, ٶرتتٸڭ تارالۋىن توقتاتۋ ٷشٸن كٶپ كٶلەمدە سۋ بەرٸلگەندٸكتەن, 22-25 مينۋتتان كەيٸن, ياعني ساعات 18:30-دا تسيستەرنالارداعى سۋ تاۋسىلعان", - دەپ حابارلادى تٶتەنشە جاعدايلار كوميتەتٸنٸڭ باسپاسٶز قىزمەتٸ.
وسىدان كەيٸن ٶرت سٶندٸرۋشٸلەر شۇعىل تٷردە سۋ تولتىرىپ كەلۋگە جٶنەلتٸلگەن. الايدا جاقىن ماڭداعى سۋمەن قامتاماسىز ەتۋ جەلٸسٸندە سۋ جوق بولىپ شىققان, ٶيتكەنٸ ول ەلدٸ مەكەندە سۋ بەلگٸلٸ بٸر ۋاقىتتا عانا بەرٸلەدٸ ەكەن.
سۋ قۇياتىن جالعىز ورىن ەلدٸ مەكەننەن ٷش شاقىرىم جەردە ورنالاسقان اۋىلدىڭ سورعى ستانتسيياسى ەكەنٸ بەلگٸلٸ بولدى.
وسىلايشا, ٶرت سٶندٸرۋ قىزمەتكەرلەرٸ ٶرتتٸ سٶندٸرۋ ٷشٸن سۋ قورىن تولتىرۋعا قوسىمشا ۋاقىت جۇمساۋعا مەجبٷر بولدى. كۋەگەر ۆيدەوعا تٷسٸرگەن تەحنيكالار سۋ قۇيۋعا كەتكەن سەتتەن باستاپ قايتىپ ورالعانعا دەيٸن 26 مينۋت ٶتكەن. وسى ۋاقىت ٸشٸندە وقيعا ورنىندا قالعان ٶرت سٶندٸرۋشٸلەر جەرگٸلٸكتٸ تۇرعىندارمەن بٸرگە ٶرتتٸڭ تارالۋىنا جول بەرمەۋگە تىرىسقان.
"ٶرت ساعات 19:21-دە تولىق سٶندٸرٸلدٸ", - دەدٸ تجك باسپاسٶز قىزمەتٸ.
ٶرتتٸ سٶندٸرۋگە بارلىعى جەكە قۇرامنىڭ 11 ادامى مەن 3 تەحنيكا قاتىستى.
