فوتو: اشىق دەرەككٶز
اقتاۋداعى 3-شاعىناۋداندا ارالاس جەكپە-جەك فايتەرٸ ۆۋسال دجافاروۆتىڭ مەيٸتٸ تابىلدى, - دەپ حابارلايدى "ۇلت اقپارات" "لادا" باسىلىمىنا سٸلتەمە جاساپ.
مەيٸت 20 قىركٷيەكتە قوقىس كونتەينەرلەرٸنٸڭ جانىنان تابىلعان. دەنە بۇزىلعان, تولىق ٸسٸنٸپ, قارايىپ كەتكەن.
پوليتسييا دەپارتامەنتٸ بۇل اقپاراتتى راستادى.
"ەر ادامنىڭ مەيٸتٸن تابۋ دەرەگٸ بويىنشا سوتالدى تەرگەۋ باستالدى. ساراپتاما تاعايىندالدى. تەرگەۋ جالعاسىپ جاتىر. تەرگەۋ مٷددەسٸ ٷشٸن ٶزگە اقپارات جارييا ەتٸلمەيدٸ", - دەپ حابارلادى ۆەدومستۆو.
جەلٸ قولدانۋشىلارىنىڭ ايتۋىنشا, دجافاروۆ سوققىعا جىعىلعان جەنە دەنەسٸ بٸرنەشە كٷن كٶشەدە جاتقان.
اشىق دەرەككٶزدەردەگٸ اقپارات بويىنشا, ۆۋسال دجافاروۆ 1994 جىلى 10 قاڭتاردا دٷنيەگە كەلگەن. كەسٸبي مانسابىن 2015 جىلى باستاعان. ول تٶرت جەكپە-جەك ٶتكٸزٸپ, ونىڭ بٸرەۋٸندە جەڭٸسكە جەتٸپ, ٷشەۋٸندە جەڭٸلگەن.
