ماڭعىستاۋ كولونيياسىنداعى اپاتتان زارداپ شەككەندەردٸڭ بٸرٸ اۋرۋحانادان شىقتى, دەپ حابارلايدى "ۇلت اقپارات".
ماڭعىستاۋ وبلىستىق كٶپسالالى اۋرۋحاناسىنىڭ باسپاسٶز قىزمەتٸ گم-172/6 كولونيياسىنىڭ اۋماعىندا جاتاقحانا قۇلاعاننان كەيٸن مەديتسينالىق مەكەمەگە جاتقىزىلعان تٶرت سوتتالۋشىنىڭ جاعدايى تۋرالى ايتىپ بەردٸ.
زارداپ شەككەن سوتتالعانداردىڭ بٸرٸ دەنساۋلىق جاعدايىنىڭ جاقسارۋىنا بايلانىستى اۋرۋحانادان شىعارىلعان.
«ەكٸنشٸ پاتسيەنت ٶكپەنٸ جاساندى جەلدەتۋ اپپاراتىنا قوسىلعان بولاتىن. ونىڭ جاعدايى جاقساردى. سوندىقتان ونى رەانيماتسييادان تراۆماتولوگييا بٶلٸمٸنە اۋىستىردىق», - دەلٸنگەن حابارلامادا.
تاعى ەكٸ سوتتالۋشى تراۆماتولوگييا بٶلٸمٸندە ەمٸن جالعاستىرۋدا. ەكەۋٸنٸڭ دە جاعدايى ورتاشا اۋىر دەپ باعالانىپ وتىر.
ەستەرٸڭٸزگە سالا كەتەيٸك, 19 شٸلدەدە جاتاقحانا وپىرىلىپ قۇلاپ, سالدارىنان 11 ادام زارداپ شەكتٸ, ونىڭ ٷشەۋٸ قايتىس بولعان ەدٸ.
سەگٸز سوتتالۋشى مەديتسينالىق كٶمەك كٶرسەتۋ ٷشٸن وبلىستىق اۋرۋحاناعا جەتكٸزٸلدٸ.
كەيٸن تٶرتەۋٸ اۋرۋحاناعا جاتقىزىلىپ, قالعانى امبۋلاتورييالىق ەمدەلۋگە جٸبەرٸلدٸ.
قر ٸٸم قىلمىستىق-اتقارۋ جٷيەسٸ كوميتەتٸ مەلٸم ەتكەندەي, تەرگەۋ قر قك 278-بابىنىڭ 3-بٶلٸگٸ بويىنشا جٷرٸپ جاتىر.
