Mańǵystaý koloniiasyndaǵy apattan zardap shekkenderdiń biri aýrýhanadan shyqty, dep habarlaidy "Ult aqparat".
Mańǵystaý oblystyq kópsalaly aýrýhanasynyń baspasóz qyzmeti GM-172/6 koloniiasynyń aýmaǵynda jataqhana qulaǵannan keiin meditsinalyq mekemege jatqyzylǵan tórt sottalýshynyń jaǵdaiy týraly aityp berdi.
Zardap shekken sottalǵandardyń biri densaýlyq jaǵdaiynyń jaqsarýyna bailanysty aýrýhanadan shyǵarylǵan.
«Ekinshi patsient ókpeni jasandy jeldetý apparatyna qosylǵan bolatyn. Onyń jaǵdaiy jaqsardy. Sondyqtan ony reanimatsiiadan travmatologiia bólimine aýystyrdyq», - delingen habarlamada.
Taǵy eki sottalýshy travmatologiia bóliminde emin jalǵastyrýda. Ekeýiniń de jaǵdaiy ortasha aýyr dep baǵalanyp otyr.
Esterińizge sala keteiik, 19 shildede jataqhana opyrylyp qulap, saldarynan 11 adam zardap shekti, onyń úsheýi qaitys bolǵan edi.
Segiz sottalýshy meditsinalyq kómek kórsetý úshin oblystyq aýrýhanaǵa jetkizildi.
Keiin tórteýi aýrýhanaǵa jatqyzylyp, qalǵany ambýlatoriialyq emdelýge jiberildi.
QR IIM Qylmystyq-atqarý júiesi komiteti málim etkendei, tergeý QR QK 278-babynyń 3-bóligi boiynsha júrip jatyr.
