اقتاۋدا قازاقستانداعى العاشقى كاسپيي يتبالىعىن زەرتتەۋ جەنە وڭالتۋ ورتالىعى ٶز جۇمىسىن باستادى, دەپ حابارلايدى قازاقپارات.
بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ ەرلان نىسانباەۆ كاسپيي يتبالىعىنىڭ پوپۋلياتسيياسى بويىنشا زەرتتەۋلەر تۋرالى مەلٸم ەتتٸ.
«يتبالىق – كاسپيي تەڭٸزٸ فاۋناسىنداعى تەڭٸز سٷتقورەكتٸلەرٸنٸڭ جالعىز ٶكٸلٸ. تٷرلٸ دەرەكتەر بويىنشا, ولاردىڭ سانى 100 مىڭنان اسپايدى جەنە بۇل كٶرسەتكٸش جىل سايىن تٶمەندەپ بارادى», - دەدٸ ول.
ەرلان نىسانباەۆتىڭ اقپاراتى بويىنشا, «سەبي» قايىرىمدىلىق قورى «ورتالىق ازييا ەكولوگييالىق زەرتتەۋلەر ينستيتۋتى» جشس-مەن بٸرگە 2019 جىلدىڭ 6 تامىزىندا اقتاۋدا قازاقستانداعى العاشقى كاسپيي يتبالىعىن زەرتتەۋ جەنە وڭالتۋ ورتالىعىن اشتى.
ورتالىقتى قۇرۋدىڭ نەگٸزگٸ ماقساتى - جارالانعان جەنە اۋرۋ يتبالىقتاردى وڭالدىرۋ, سونىمەن قاتار جاعالاۋداعى ەلدٸ مەكەندەردٸڭ تۇرعىندارى اراسىندا تٷسٸندٸرۋ, عىلىمي-زەرتتەۋ, حالىقارالىق ىنتىماقتاستىق, بٸلٸم بەرۋ جۇمىستارىن جٷرگٸزۋ.
ەرلان نىسانباەۆتىڭ سٶزٸنشە, بٷگٸندە كاسپييماڭى مەملەكەتتەرٸنٸڭ يتبالىقتاردىڭ سانى بويىنشا زەرتتەۋلەرٸنٸڭ نەتيجەلەرٸ ايتارلىقتاي ەرەكشەلەنەدٸ. سوندىقتان ناقتى ماتەريالداردى الۋ ٷشٸن بٸرىڭعاي ەدٸستەمەلٸك تەسٸلدەرگە نەگٸزدەلگەن بٸرلەسكەن زەرتتەۋلەر ۇيىمداستىرۋ قاجەت.
ەسكە سالايىق, 2019 جىلى «NCOC N.V.» كومپانيياسى مەن رەسەي عىلىم اكادەميياسى ا.ن.سەۆەرتسوۆ اتىنداعى ەكولوگييا جەنە ەۆوليۋتسييا مەسەلەلەرٸ ينستيتۋتى عىلىمي ىنتىماقتاستىق تۋرالى كەلٸسٸمگە قول قويىپ, 2023 جىلعا دەيٸن سولتٷستٸك كاسپيي ايماعىندا كاسپيي يتبالىقتارىن زەرتتەۋ باعدارلاماسى بەكٸتٸلدٸ.
