اقتاۋدا بالاباقشا ماڭىندا جانجال شىعىپ, ەر ادام پىشاق جاراقاتىن الدى

فوتو: lada.kz

اقتاۋدا ەر ادامدار بالاباقشا ماڭىندا تٶبەلەسكەن. وقيعا 28 قاڭتاردا كٷندٸز №28 ٷيدٸڭ ارتىندا, "دارىن" جەكەمەنشٸك بالاباقشاسىنىڭ ماڭىندا بولعان, - دەپ حابارلايدى Tengrinews.kz تٸلشٸسٸ Lada.kz سايتىنا سٸلتەمە جاساپ. 

تۇرعىنداردىڭ سٶزٸنشە, 28 قاڭتاردا تٷسكٸ ۋاقىتتا ايعاي ەستٸلگەن. №28 ٷيدٸڭ ارتىندا ٷش ەر ادام تٶبەلەسكەنٸ بەلگٸلٸ بولعان. ولاردىڭ بٸرەۋٸ پىشاق ۇستاپ تۇرعان. ول قارسىلاسىنا بٸرنەشە رەت پىشاق سۇعىپ العان. ٷشٸنشٸ ادام ولاردى اجىراتۋعا تىرىسقان. جارالانعان تۇرعىن سول جەردە قالعان, ال قولىندا پىشاعى بار ەر ادام بۇرىلىپ, كەتٸپ قالعان. كٶرشٸلەردٸڭ سٶزٸنشە, ول - بٸرٸنشٸ قاباتتا تۇرادى. 

وقيعا ورنىنا پوليتسييا كەلگەن. ارتىنشا جەدەل جەردەم قىزمەتكەرلەرٸ دە كەلٸپ, زارداپ شەككەن ەر ادامدى الىپ كەتكەن. 

تٶبەلەستەن كەيٸن بالاباقشا ماڭى قان-جوسا بولعان. ارتىنشا ول جەرگە توپىراق تٶگٸلگەن. 

پوليتسييا دەپارتامەنتٸ مەلٸمەتٸنشە, بۇل دەرەككە قاتىستى قىلمىستىق كودەكستٸڭ 107-بابى بويىنشا سوتالدى تەرگەۋ باستالعان.