اقتاۋ قالاسىندا ەبٸش كەكٸلباەۆ اتىنداعى مەدەني ورتالىق قۇرىلىسى قارقىندى جٷرٸپ جاتىر, دەپ حابارلايدى "ۇلت اقپارات".
التى الاشتىڭ ابىزى بولعان بٸرتۋار قالامگەر, قوعام قايراتكەرٸ ەبٸش كەكٸلباەۆ ماڭعىستاۋدى اشىق اسپان استىنداعى مۇراجاي دەپ اتاعان ەدٸ. بيىل جازۋشىنىڭ 80 جىلدىق مەرەيتويى اتاپ ٶتٸلمەك. وسىعان وراي, اقتاۋ قالاسىنىڭ 19ا ىقشاماۋدانىندا ەبٸش كەكٸلباەۆ اتىنداعى مەدەني ورتالىق بوي كٶتەرمەك.
جاڭا قۇرىلىس قارقىنىمەن وبلىس ەكٸمٸ ەرالى توعجانوۆ تانىسىپ, جاۋاپتى ماماندارعا اتالمىش ورتالىقتىڭ قۇرىلىسى بيىلعى جىلدىڭ كٷز ايىندا اياقتالىپ, پايدالانۋعا بەرٸلۋٸ كەرەك دەپ تاپسىردى.
سونداي-اق, ٶڭٸر باسشىسى قۇرىلىس ماتەريالدارىنىڭ ساپاسىمەن دە تانىستى. جوسپار بويىنشا بۇل جەردە 2 قاباتتى ەبٸش كەكٸلباەۆ مەدەني ورتالىعى, وبلىستىق مۋزەي مەن كٸتاپحانا اشىلاتىن بولادى. عيمارات ورتاسىندا سۋبۇرقاق تا بولماق. جالپى اۋماعى 7,7 گەكتاردى الىپ جاتقان قۇرىلىستا قازٸر 80-گە جۋىق جۇمىسشى ەڭبەك ەتۋدە.
ايتا كەتەيٸك, وبلىس مەكتەپتەرٸندە «ەبٸشتانۋ» سىنىپتارى دا اشىلعان بولاتىن.
