كاتونقاراعاي اۋدانىنداعى اقسۋ 11 جىلدىق مەكتەبٸ شارۋاشىلىققا قاجەتتٸ سۋدى كٷن باتارەيالارىنىڭ كٶمەگٸمەن ىسىتىپ وتىر. اقسۋ مەكتەبٸنٸڭ ديرەكتورى گٷلميرا بازاەۆا مەكتەپ شاتىرىنا ورناتىلعان شاعىن عانا كٷن باتارەيالارى پلاستينكالارىنىڭ مامىر ايىنان بەرٸ مەكتەپكە بٸرنەشە جٷز مىڭ تەڭگەنٸ ٷنەمدەۋگە مٷمكٸندٸك بەرگەنٸن ايتتى.
پانتى ٶنٸمدەرٸمەن اتى شىققان اقسۋ اۋىلى دا تٶر التايداعى ٶزگە ەلدٸ مەكەندەرمەن بٸرگە جىلدان-جىلعا ىقشامدالىپ, كٸشٸرەيٸپ بارادى. اقسۋ اۋىلدىق وكرۋگٸنە قاراستى جازابا, اقشارباق, بەكالقا اۋىلدارىنىڭ بٸرٸنٸڭ مەكتەبٸ جابىلىپ, بٸرٸنٸڭ مەكتەپتە وقيتىن بالالارى مٷلدە ازايىپ قالىپ جاتسا, تالدى اۋىلى مٷلدە جويىلىپ كەتٸپتٸ.
- اقسۋدىڭ ماڭايىنداعى اۋىلداردىڭ بالالارى مەكتەپ جانىنداعى ينتەرناتتا وقىپ جاتىر, مەكتەپتە 132 وقۋشى, مەكتەپ-ينتەرناتتا 17 بالا بار, - دەيدٸ اقسۋ مەكتەبٸنٸڭ ديرەكتورى گٷلميرا بازاەۆا. - مەكتەپتەرٸ جابىلىپ قالعان بەكالقا, اقشارباق اۋىلدارىنىڭ بالالارى, بيىلدان باستاپ باستاۋىش مەكتەپ قانا بولىپ قالعان جازابا مەكتەبٸنٸڭ بالالارى وسى بٸزدٸڭ مەكتەپ-ينتەرناتتا تۇرىپ وقىپ جاتىر.
الىستاعى اۋىلدىڭ بٸلٸم ورداسى جازدا كٷردەلٸ جٶندەۋدەن ٶتكٸزٸلٸپتٸ. مەكتەپ ۇجىمى كٷن باتارەيالارىنىڭ ناعىز پايداسىن وسى جٶندەۋ كەزٸندە كٶرگەن. كٷننەن الىنعان قۋاتپەن ىسىتىلىپ وتىرعان سىيىمدىلىعى 300 ليترلٸك بويلەردٸڭ ىستىق سۋى ەدەن, اسحانا ىدىستارىن جۋۋعا, ٶزگە دە شارۋاشىلىق جۇمىستارىنا پايدالانىلىپ كەلەدٸ. كٷن باتارەيالارىنىڭ سۋدى ىسىتۋ قابٸلەتٸ كٷننٸڭ كٶزٸ جوعالىپ كەتەتٸن سۋىق كٷندەرٸ دە كەمٸمەيدٸ, جوعالمايدى. مەكتەپ ۇجىمى بولاشاقتا مەكتەپتٸڭ جىلىتۋ جٷيەسٸن دە وسى كٷن باتارەيالارىنان الىناتىن ىستىق سۋمەن جىلىتۋعا كٶشٸرمەك ويدا.
كٷن باتارەيالارىن وبلىستاعى بٸرنەشە ەلەۋمەتتٸك نىساندارمەن بٸرگە وسى مەكتەپكە ورناتىپ بەرگەن «قاسيەتتٸ ٶر التاي» قوعامدىق قورىنىڭ ديرەكتورى ديدار داليمانوۆ اقسۋ مەكتەبٸنٸڭ تٷلەگٸ. مەكتەپ ۇستازدارى مەن وقۋشىلارى ەندٸ وسى قوردىڭ كٶمەگٸمەن تٷيمەداق, مەليسسا, كالەندۋلا سيياقتى ەمدٸك شٶپتەردٸ ەگٸپ, كەپتٸرۋ جوباسىن جٷزەگە اسىرۋدى كٶزدەپ وتىر. جيناپ الىنعان ەمدٸك شٶپتەر «اقسۋ-دەەن» سەرٸكتەستٸگٸنٸڭ فارماكولوگييالىق ٶندٸرٸسٸنە تاپسىرىلماق.
التى اي قىستا اق قاردىڭ استىندا جاتاتىن اقسۋ اۋىلىنىڭ ۇستازدارى كٷن باتارەيالارىمەن مەكتەپ قارجىسىن ٷنەمدەپ قانا قويماي, وقۋشىلاردى تيٸمدٸ كەسٸپپەن اينالىسۋعا باۋلىپ, تابىس تٷسٸرۋدٸڭ جولدارىن وسىلاي كٶرسەتٸپ, ٷيرەتۋدە.
جانارگٷل مۇقاتاي
