اق جەيدە كيٸپ كەلٸڭدەر, حولي بوياۋىن شاشامىز!..
اقسۋ قالاسىنىڭ 55 جىلدىعىنا وراي جاستار باستامالارىن دامىتۋ ورتالىعى مەرەكە كٷنٸنە قاتىسۋشىلارعا الدىن الا وسىنداي حابارلاندىرۋ جاساپتى.
ەستٸمەگەن ەلدە كٶپ. سٶيتٸپ, ٷندٸلەردٸڭ بٸر-بٸرٸنە حولي بوياۋىن شاشۋ ويىنىنا اقسۋداعى مەرەكەدە 400-گە جۋىق ادام قاتىسىپتى. قالاداعى «جاستار باستامالارىن دامىتۋ ورتالىعى» جەتٸ تٷستٸ حولي بوياۋىن تٸپتٸ, ارنايى تاپسىرىسپەن الماتىدان الدىرىپتى. بۇل نە?..
ٷندٸلەردٸڭ «حولي» مەرەكەسٸ جايلى ينتەرنەت بەتتەرٸندەگٸ اڭىزداردا «حولي» سٶزٸنٸڭ «حوليكا» دەگەن ەزەزٸلدٸڭ اتىنا بايلانىستى شىققانى ايتىلادى. «حولي» ٷندٸلەردٸڭ دiني فەستيۆالٸ. بۇل كٷنٸ ٷندٸلەر بٸر-بٸرٸنە تٷرلٸ-تٷستٸ ۇنتاقتار لاقتىرىپ ويناپ, ناۋرىز ايىنىڭ باسىندا ٷش كٷن تويلايدى ەكەن. حوليكا پەرٸنٸ جەڭدٸك دەپ بٸر-بٸرٸنە بوياۋ شاشادى.
قالا ەكٸمدٸگٸ ەشقانداي مەدەني-رۋحاني باعدارلامالار تابا الماعان با, اقسۋلىق جاستار بٸر-بٸرٸمٸزگە حولي بوياۋىن شاشىپ ويناساق, 55 جىلدىق مەرەيتويدا «بوياۋلار مەرەكەسٸ» بارلىق قاتىسۋشىلاردىڭ كٶڭٸل كٷيٸن كٶتەرەدٸ دەپتٸ. ەرٸ بوياۋلار قۇرعاق, تەز جۋىلىپ, كيٸمدە داق قالدىرمايدى. فەستيۆالعا قاتىسقىسى كەلەتٸندەر اق جەيدە كيٸپ كەلۋٸ كەرەك ەكەن.
ال اقسۋداعى مەشٸت يمامدارى ٷندٸلەردٸڭ بوياۋ شاشۋ ويىنىنىڭ مۇسىلمان بالاسى ٷشٸن تىيىم سالىنعانىن بٸلمەي مە, سوندا?! ٶزگە دiننiڭ ٶزگەشەلٸگٸنەن جاستاردىڭ بويىن اۋلاق ۇستاۋ كەرەكتٸگٸن ەسكەرتۋ كەرەك ەدٸ. بٸر-بٸرٸنٸڭ بەت-اۋزىن تٷرلٸ-تٷستٸ بوياۋمەن بوياپ, دەنەلەرٸ قىزىل-جاسىل تٷسكە مالىنعان جاستار جىن قاققانداي سەندەلٸپ, قانداي باستامانى دامىتىپ جٷر, سوندا? بٸزدٸڭ دٸنگە, بٸزدٸڭ دٷنيەتانىمعا, قازاقى بولمىسقا, سالت-دەستٷرگە قاتىسى جوق ٷردٸستٸڭ ٶمٸرٸمٸزگە ەنتەلەي كٸرگەنٸ جاقسى ەمەس. جاستار كٶزدەرٸن اشا الماي, قىزىلدى-جاسىلدى قۇرعاق بوياۋعا كٶمٸلٸپ, ەلٸمٸزدە قابىلدانعان مەڭگٸلٸك ەل, ۇلى دالا ەلٸ يدەيالارىن ۇمىت قالدىرسا, بارا-بارا نە بولامىز?.. يە, سٶز جوق, ٷندٸ ەلٸ – عاجاپ ەل. كينوسىن بالا كەزدەن كٶرٸپ, شايىن ٸشٸپ ٶستٸك. بٸراق, ەل امان, جۇرت تىنىشتا ولاردىڭ دٸني مەيرامىن تويلاپ, اقسۋدىڭ جاستارىن نە قارا باستى ەكەن?!
فاريدا بىقاي,
