سەناتور دانا نۇرجٸگٸت حالىقتىڭ قارجىلىق ساۋاتتىلىعىن كٶتەرمەي, كرەديت بەرۋگە بولمايتىن ايتتى, دەپ حابارلايدى Sputnik قازاقستان.
سەناتتىڭ بٷگٸنگٸ وتىرىسىندا دەپۋتات اۋىل شارۋاشىلىعى سالاسىندا كرەديت بەرۋ مەسەلەسٸنە توقتالدى. وسى ورايدا نۇرجٸگٸت جاقىندا "دامۋ" قورىندا جۇمىس ٸستەيتٸن جۋرناليست ەرٸپتەسٸمەن كەزدەسٸپ, سٶيلەسكەنٸن جەتكٸزدٸ. ول كٸسٸ "دامۋ" قورىنا تٷسەتٸن سۇراقتارمەن اينالىسادى. سٶيتٸپ, تٸكەلەي حالىقپەن جۇمىن ٸستەيدٸ. وسى ماماننىڭ سٶزٸنە قاراعاندا, حالىقتىڭ قارجىلىق ساۋاتتىلىعى ٶتە تٶمەن. ال سۇراقتاردىڭ باسىم بٶلٸگٸ جەكە باستىڭ شارۋاسىنان اسپاي جاتادى.
"تەك "مەن نەسيە الا الامىن با?", "مەن وسىعان دەيٸنگٸ نەسيەلەردٸ سٸزدەر ارقىلى جابا الامىن با?" دەگەن سيياقتى سۇراقتاردىڭ اياسىنان شىقپايدى ەكەن. سوسىن "ٶرلەۋ", "باستاۋ" سيياقتى باعدارلامالار بويىنشا قارجى الدىم, بيزنەس باستايتىن بولدىم دەپ اقشانى الادى, ال كەيٸن ٷيٸنە جٶندەۋ جۇمىستارىن جٷرگٸزٸپ, يا بولماسا, قۇدايى بەرٸپ, قۇدا شاقىرىپ, سونداي ٶزٸنٸڭ جەكە باسىنىڭ شارۋالارىنا اقشانى جۇمساپ جٸبەرەدٸ ەكەن. "ال ٷكٸمەتكە قانداي ەسەپ بەرەسٸڭ? قالاي ەسەپ بەرەسٸڭ? "دەسە, كٶرشٸنٸڭ بۇزاۋىن ەكەلٸپ, كٶرسەتە سالامىن دەپ, اقشانى دالاعا شاشقان بولىپ شىعادى. ", - دەيدٸ نۇرجٸگٸت.
دەپۋتاتتىڭ ويىنشا, حالىقتىڭ قارجىلىق ساۋاتتىلىعىن كٶتەرمەي, اقشانى بٶلۋدٸڭ قاجەتٸ جوق.
"قارجىلىق ساۋاتتىلىقتى كٶتەرمەي, اۋىل شارۋاشىلىعىنداعى بيزنەس باستاۋ جوبالارىن جٸتٸ باقىلاماي, ناقتى سۇراقتاردى قويا بٸلەتٸن ادامدار الدىنا كەلمەي, اقشانى بٶلۋدٸڭ قاجەتٸ جوق دەپ ويلايمىن. مٸنە, وسىعان جٸتٸ نازار اۋدارىلسا ەكەن دەيمٸن", - دەپ اتاپ كٶرسەتتٸ نۇرجٸگٸت.
