فوتو: © Sputnik / ۆلاديسلاۆ ۆودنەۆ
ەنەرگەتيكا مينيسترٸ الماسادام سەتقاليەۆ ماەك-تەگٸ اپاتتىڭ سەبەبٸن تٷسٸندٸردٸ, دەپ حابارلايدى Sputnik قازاقستان.
ماڭعىستاۋ وبلىسىندا ماڭعىستاۋ اتوم ەنەرگەتيكا كومبيناتىندا ەكٸ ەنەرگوبلوك ٸستەن شىقتى. سونىڭ سالدارىنان ٶڭٸردە ەنەرگييانى تۇتىنۋعا ٸشٸنارا شەكتەۋ ەنگٸزٸلدٸ. مۇناي ٶندٸرۋ كٶلەمٸ تٶمەندەدٸ.
ەنەرگەتيكا مينيسترٸنٸڭ ايتۋىنشا, ماماندار 1-شٸ ەنەرگەتيكالىق بلوكتى جٶندەپ جاتقاندا 3-شٸ بلوكتاعى اقاۋدى بايقاعان.
"ماەك-تەگٸ 1-شٸ بلوكتا اپات بولعانىن بٸلەسٸزدەر. سەبەبٸ تۋربيناسى دۇرىس ٸستەمەي قالدى. بٸز وسى بلوكتى جٶندەگەندە 3-شٸ بلوكتا سۋدىڭ تىم كٶپ ٶتٸپ جاتقانىن بايقادىق. باسىندا 40 توننا, ودان كەيٸن 60 توننا سۋ كەتتٸ. بۇل دەگەنٸمٸز, قازاندىقتاردىڭ قالقاندارىنا زاقىم تيگەن. وسىعان بايلانىستى 3-شٸ بلوكتى دا جٶندەۋگە تۋرا كەلدٸ. گەنەراتسييانى دا ايتارلىقتاي ازايتۋعا مەجبٷر بولدىق. ول جاقتا قوندىرعىلار توزعان, ونى جاڭارتۋعا اقشا جەتپەي جاتىر", - دەدٸ سەتقاليەۆ جۋرناليستەرگە بەرگەن سۇحباتىندا.
ونىڭ سٶزٸنە قاراعاندا, وبلىستا ەنەرگييا تۇتىنۋ كٶلەمٸ 650 مۆت قۇرايدى. ال اپاتتان كەيٸن 250 مۆت-قا شەكتەۋ ەنگٸزۋگە تۋرا كەلدٸ.
"الدىمەن مۇناي-گاز سالاسىنداعى كەسٸپورىندار ٷشٸن, سونداي-اق باسقا دا ٶندٸرٸستەر ٷشٸن شەكتەۋلەر ەنگٸزٸلدٸ. شامامەن ەكٸ ساعاتقا سٶندٸرٸپ تۇرۋعا تۋرا كەلدٸ", - دەپ اتاپ ٶتتٸ سەتقاليەۆ.
قازٸرگٸ كەزدە مەملەكەتتٸك كوميسسييا ٶز جۇمىسىنا كٸرٸستٸ. مەملەكەتتٸك ەنەرگەتيكالىق قاداعالاۋ باسشىلارى دا سول جاقتا جٷر.
