ناۋرىز مەرەكەسٸنە وراي نۇر-سۇلتاننان الماتىعا بەت العان بٸر توپ جولاۋشى, ەسٸگٸ جابىلمايتىن, تاستاي سۋىق ەرٸ قاراڭعى ۆاگوندارعا تاپ بولعان, - دەپ حابارلايدى Tengrinews.kz اگەنتتٸگٸ "استانا"تەلەارناسىنا سٸلتەمە جاساپ.
تەلەارنا مەلٸمەتٸنشە, وقيعا 18-ناۋرىزدا ەلوردادان الماتىعا شىققان №204 قوسىمشا پويىزدا بولعان. تٷنگٸ ساعات 22:40-تا ۆاگونعا وتىرعان جولاۋشىلار جارىق جٷرگەن سوڭ قوسىلادى دەپ ويلاعان. بٸراق قارا تٷنەك جول بويى جالعاسقان. قاتتى سۋىقتان ۆاگوننىڭ جان-جاعىنان سۋىق جەل ٷرلەپ, ەدەنگە مۇز قاتقان. جولاۋىلاردىڭ سٶزٸنە, ۆاگوندا جاعاتىن كٶمٸر دە بولماعان.
"ۆاگون ٶتە سۋىق. سىرت كيٸممەن ۇيىقتادىق. دەرەتحانا دالاداعىدان بەتەر لاس ەرٸ سۋىق. جارىق جوق. تٷندە تاس قاراڭعى. بٸز بيلەتتٸ بٸر اي بۇرىن ساتىپ الدىق. باعاسى مەن ۆاگوننىڭ جاعدايى مٷلدەم سەيكەس كەلمەيدٸ. قازٸرگٸ كەزدە وسىنداي توزىعى جەتكەن ۆاگوندار جٷرەدٸ دەپ ويلاماعام. تٸپتٸ كٶمٸر جوق. مەرەكەلٸك كٶڭٸل-كٷيٸمٸزدٸ بۇزدى. بيلەت قۇنىن قايتارىپ, مورالدىق ٶتەماقى تٶلەسٸن", - دەيدٸ جولاۋشى سەنييا قۇربانوۆا.
پويىز باسشىسى ۇلجان مامىروۆا دا بۇل جاعدايدى راستاعان. مەرەكە كەزٸندە ۆاگون جەتٸسپەۋشٸلٸگٸنەن, قىسقا ەش دايىندىعى جوق ۆاگوندار جولعا شىققان.
"مەندە قازٸر 19 ۆاگون كەلە جاتىر. سونىڭ 3 ۆاگونى وسىنداي بولىپ تۇر. ٷش ۆاگونىندا جىلۋى كٸشكەنە ناشار بولىپ كەلە جاتىر. سەبەبٸ قىسقا دايىندالماعان ۆاگوندار سالقىن بولىپ جاتىر. ۆاگوننىڭ ساپاسى ٶتە تٶمەن بولىپ تۇر", - دەيدٸ ول.
"قازاقستان تەمٸر جولى" كومپانيياسىنىڭ ٶكٸلٸ مەدي مۇحامەتقاليدٸڭ سٶزٸنشە, ەش جاعداي جاسالماعان ۆاگوندارمەن تاسىمالدانعان بۇل جولاۋشىلارعا اقشا قايتارىلمايدى. مەرەكەدە سۇرانىس كٷرت ٶسكەن سوڭ, جولاۋشىلاردى دٸتتەگەن جەرگە امان جەتكٸزۋ باستى ماقسات بولعان. بٷگٸندە جولاۋشىلار تاسىمالىنىڭ بازاسىندا 2000-نان اسا ۆاگون بار. ونىڭ ٸشٸندە زاۋىتتان شىققانىنا 44 جىل بولعان ۆاگوندار دا كەزدەسەدٸ. مۇنداي ساناتتاعى ۆاگون سانى 800.
"وسى پويىز ٶز پاركٸنە كەلگەننەن كەيٸن تەكسەرٸس جۇمىستارىن جٷرگٸزەمٸز. ەگەر تەكسەرٸس جۇمىستارىندا قاتەلٸكتەر دەلەلدەنٸپ جاتسا, ارنايى شارالاردى قابىلدايتىن بولامىز. بٸراق ٶتەماقى زاڭنامادا قاراستىرىلماعان. جولاۋشىلار تاسىمالىندا پويىز كەشٸگٸپ كەلگەن جاعدايدا عانا ٷش پايىز ٶتەماقى تٶلەنەدٸ", - دەيدٸ "قتج" ٶكٸلٸ.
