اقش يسترەبيتەلٸ سيرييادا, راككا قالاسىنىڭ وڭتٷستٸگٸندە "يسلام مەملەكەتٸ" (يم) ەكسترەميستٸك ۇيىمىمەن سوعىسىپ جاتقان كٶتەرٸلٸسشٸل توپقا شابۋىل جاساعان ٷكٸمەت كٷشتەرٸنٸڭ ۇشاعىن اتىپ تٷسٸردٸ. اقش باستاعان كواليتسييا ٶكٸلدەرٸنٸڭ مەلٸمدەۋٸنشە, ۇشاق "ەسكەري ٸس-قيمىل جٷرگٸزۋ ەرەجەلەرٸنە سەيكەس جەنە ۇجىمدىق ٶزٸن-ٶزٸ قورعاۋ قاجەتتٸلٸگٸنەن" اتىپ تٷسٸرٸلگەن.
"سيرييا بيلٸگٸنٸڭ سۋ-22 ۇشاعى ەل دەموكراتييالىق كٷشتەرٸنٸڭ جاساقتارى ورنىققان اۋداندى بومبالاپ جٷردٸ. وسىعان بايلانىستى ۇرىس جٷرگٸزۋ ەرەجەلەرٸنە ساي جەنە كواليتسييانىڭ ۇجىمدىق ٶزٸن-ٶزٸ قورعاۋ قاجەتتٸگٸ تۋىنداپ, ۇشاق دەرەۋ اتىپ تٷسٸرٸلدٸ" دەلٸنگەن رەسمي مەلٸمدەمەدە. نەگٸزٸنەن كٷرد جاساقتارىنان قۇرالعان جەنە اقش قولدايتىن بۇل توپ يم مەن باشار اساد ەسكەرٸنە قارسى سوعىسادى.
سيرييا ٷكٸمەت كٷشتەرٸنٸڭ ەسكەري قولباسشىلىعى ۇشاقتىڭ جەرگە قۇلاپ, ۇشقىش ٸز-تٷزسٸز جوعالعانىن حابارلادى. قولباسشىلىق تاراتقان مەلٸمدەمەدە "بۇل - ارمييانىڭ وداقتاستارمەن بٸرگە ەل اۋماعىنداعى تەرروريزممەن كٷرەسە الاتىن بٸردەن-بٸر كٷش رەتٸندەگٸ كٷش-جٸگەرٸن مۇقالتۋ ٷشٸن جاسالعان شابۋىل. شابۋىل ارمييا مەن وداقتاستار يم-گە قارسى سوعىستا كەدٸمگٸدەي العا ٸلگەرٸلەگەن كەزدە جاسالىپ وتىر" دەلٸنگەن.
