اقش-تىڭ مەسكەۋدەگٸ ەلشٸلٸگٸ 12 مامىردان باستاپ كونسۋلدىق قىزمەتتەردٸ بارىنشا قىسقارتادى. تەك ەرەكشە جاعدايلاردا ۆيزا مەسەلەسٸن قاراستىرادى. بۇل تۋرالى ەلشٸلٸكتٸڭ تاراتقان حاباراماسىندا جازىلعان.
ەلشٸلٸكتٸڭ حابارلاۋىنشا, بۇعان مەسكەۋدٸڭ تالابى بويىنشا كونسۋلدىق شتاتىنداعى قىزمەتكەرلەردٸڭ 75 پايىزعا قىسقارۋى سەبەپ بولعان. 23 سەۋٸردە رەسەي بيلٸگٸ اقش ديپلوماتييالىق ميسسيياسىنا شەتەل ازاماتتارىن جۇمىسقا الۋعا تىيىم سالىنعانىن حابارلاعان.
"رەسەي ٷكٸمەتٸنٸڭ ەرەكەتٸ بٸزدٸ كونسۋلدىق قىزمەتكەرلەرٸن قىسقارتۋعا مەجبٷرلەپ وتىر, بۇل ٶكٸنٸشتٸ" دەلٸنگەن ەلشٸلٸك حابارلاماسىندا.
بۇعان دەيٸن رەسەي پرەزيدەنتٸ ۆلاديمير پۋتين "دوستىق نيەتٸ جوق ەلدەردٸڭ" ديپلوماتييالىق ٶكٸلدٸكتەرٸنە شەتەلدٸكتەردٸ جۇمىسقا الۋعا شەكتەۋ قوياتىن جارلىققا قول قويعان.
"دوستىق نيەتٸ جوق" ەلدەردٸڭ تٸزٸمٸن ٷكٸمەت انىقتايدى. بۇعان دەيٸن زاڭنامادا مۇنداي تەرمين بولماعان. قۇجاتتا اقش پەن ٶزگە ەلدەردٸڭ دوستىق دەپ اتاۋعا كەلمەيتٸن ەرەكەتتەرٸنە "جاۋاپ" رەتٸندە وسىنداي شارا قولدانىلاتىنى كٶرسەتٸلگەن. اككرەديتاتسييالانعان ديپلوماتتارعا جارلىقتىڭ قاتىسى جوق.
2016 جىلدىڭ سوڭىنان بەرٸ رەسەي مەن اقش ديپلوماتييالىق ٶكٸلدٸكتەگٸ قىزمەتكەرلەر سانىن قىسقارتۋ جٶنٸندە بٸر-بٸرٸنە الما كەزەك تالاپ قويىپ كەلەدٸ. 2017 جىلدان باستاپ رەسەيلٸكتەرگە ۆيزا بەرۋ پروتسەسٸ ەدەۋٸر شەكتەلگەن.
