اقش-تىڭ يندياناپوليس قالاسىنداعى ەۋەجايدىڭ قاسىندا ورنالاسقان FedEx پوشتا كومپانيياسىنىڭ اۋماعىنداعى اتىستا 8 ادام زارداپ شەكتٸ, دەپ حابارلايدى Euronews.
زارداپ شەككەن جەتٸ ادام اۋرۋحاناعا جەتكٸزٸلدٸ. قاسكٷنەم ٶز-ٶزٸنە قول سالىپ كٶز جۇمدى. ونىڭ بۇل ەرەكەتٸنە نە سەبەپ بولعانى بەلگٸسٸز, تەرگەۋ امالدارى جٷرگٸزٸلٸپ جاتىر.
قاسكٷنەم شابۋىلىن كەشكٸ ساعات 11-دە جاساعان. يندياناپوليستەگٸ FedEx حابىندا 4 500-دەن استام ادام جۇمىس ٸستەيدٸ. بۇل – كومپانييانىڭ جاھاندىق جەلٸسٸنٸڭ ٷلكەندٸگٸ بويىنشا ەكٸنشٸ ورىندا تۇرعان ورتالىعى.
تۋرا بٸر اي بۇرىن اتلانتاداعى جورجييا شتاتىندا ٷش ماسساج سالونىندا بولعان اتىس-شابىس سالدارىنان جالپى العاندا سەگٸز ادام مەرت بولدى. ناۋرىز ايىنىڭ سوڭىندا كولورادو شتاتىنداعى بوۋلدەر قالاسىنىڭ ورتالىعىندا ەر ادام ون ادامعا وق اتىپ ٶلتٸرگەن, ولاردىڭ اراسىندا پوليتسييا قىزمەتكەرٸ دە بولدى.
