AQSh-tyń Indianapolis qalasyndaǵy áýejaidyń qasynda ornalasqan FedEx poshta kompaniiasynyń aýmaǵyndaǵy atysta 8 adam zardap shekti, dep habarlaidy Euronews.
Zardap shekken jeti adam aýrýhanaǵa jetkizildi. Qaskúnem óz-ózine qol salyp kóz jumdy. Onyń bul áreketine ne sebep bolǵany belgisiz, tergeý amaldary júrgizilip jatyr.
Qaskúnem shabýylyn keshki saǵat 11-de jasaǵan. Indianapolistegi FedEx Habynda 4 500-den astam adam jumys isteidi. Bul – kompaniianyń jahandyq jelisiniń úlkendigi boiynsha ekinshi orynda turǵan ortalyǵy.
Týra bir ai buryn Atlantadaǵy Jorjiia shtatynda úsh massaj salonynda bolǵan atys-shabys saldarynan jalpy alǵanda segiz adam mert boldy. Naýryz aiynyń sońynda Kolorado shtatyndaǵy Boýlder qalasynyń ortalyǵynda er adam on adamǵa oq atyp óltirgen, olardyń arasynda politsiia qyzmetkeri de boldy.
