اقش تەلٸپتەر جاڭادان قۇرعان كابۋلداعى اۋعان ٷكٸمەتٸنە "ۋاقىتشا كابينەت" دەگەن باعا بەردٸ, دەپ حابارلايدى ازاتتىق.
"كەز كەلگەن ەكٸمشٸلٸك ٶكٸلٸ, پرەزيدەنت, ۇلتتىق قاۋٸپسٸزدٸك قىزمەتٸنٸڭ كەز كەلگەن مامانى تەلٸپتەر سٶزگە توقتاپ, حالىقارالىق قاۋىمداستىق مٷشەلەرٸن قۇرمەتتەيدٸ دەپ ايتا الماس ەدٸ. ولار ەزٸرگە بۇعان سەندٸرە العان جوق" دەدٸ دجو بايدەن ەكٸمشٸلٸگٸنٸڭ ۇستانىمى جٶنٸندە ايتقان اق ٷيدٸڭ باسپاسٶز حاتشىسى دجەن پساكي.
سەرسەنبٸ كٷنٸ اقش مەملەكەتتٸك حاتشىسى ەنتوني بلينكەن گەرمانييا جەنە ٶزگە 20 ەل ٶكٸلٸمەن ونلاين كەزدەسۋدەن سوڭ اۋعانستاننىڭ جاڭا ٷكٸمەتٸنە "ٸسٸنە قاراپ باعا بەرٸلەدٸ", لەگيتيمدٸلٸك جٶنٸندە ايتۋ "ەلٸ ەرتە" دەپ مەلٸمدەدٸ.
8 قىركٷيەكتە گەرمانيياداعى امەريكالىق رامشتاين ەۋە بازاسىنا كەلگەننەن كەيٸن بلينكەن سول جاقتا گەرمانييا سىرتقى ٸستەر مينيسترٸ حايكو مااسپەن كەزدەسكەن. بۇل نىسان اۋعانستاندا "تاليبان" (قوزعالىس قازاقستان مەن ٶزگە ەلدەردە تەرروريستٸك ۇيىم دەپ تانىلىپ, قىزمەتٸنە تىيىم سالىنعان) بيلٸكتٸ باسىپ العاننان كەيٸن سول جاقتان ەۆاكۋاتسييالانعان مىڭداعان ادامدى قابىلدايتىن پۋنكت رەتٸندە پايدالانىلدى.
"تەلٸپتەر حالىقارالىق قاۋىمداستىقتىڭ ٶزدەرٸن مويىنداعانىن كٷتٸپ وتىر, بٸراق كەز كەلگەن مويىنداۋ, كەز كەلگەن قولداۋ سوعان لايىق بولۋدى تالاپ ەتەدٸ" دەدٸ اقش مەملەكەتتٸك حاتشىسى.
تەلٸپتەر كابۋل مەن اۋعانستاننىڭ بارلىق-دەرلٸك پروۆينتسيياسىنا تامىز ورتاسىندا باقىلاۋ ورناتقان. مامىردا اقش باستاعان حالىقارالىق كواليتسييا ەسكەرٸن ەلدەن ەكەتە باستاعان كەزدە تەلٸپتەر ٷكٸمەت كٷشتەرٸمەن سوعىستى ٷدەتٸپ, ايماقتاردى جاۋلاي باستاعان.
تەلٸپتەر جاڭا ٷكٸمەت قۇرامىن 7 قىركٷيەكتە جارييالادى. جاڭا ٷكٸمەتتە بٸردە-بٸر ەيەل جوق جەنە جەتەكشٸ ورىنداردىڭ بارلىعىندا تەلٸپتەر وتىر. ولار ەلدٸ شاريعات زاڭدارىمەن قاتاڭ باسقارۋدى كٶزدەپ وتىر. ٷكٸمەت قۇرامىندا بۇۇ نەمەسە اقش-تا تەرروريست رەتٸندە تانىلىپ, ٸزدەۋ جارييالانعان كەمٸندە ەكٸ ادام بار.
كابۋلداعى ٷكٸمەت قۇلاعاننان كەيٸن اۋعانستاننان قاشقان پرەزيدەنت اشراف عاني 8 قىركٷيەكتە مەلٸمدەمە جاساپ, اۋعان ازاماتتارىنان ٷكٸمەتتٸڭ قۇلاۋىنا جول بەرگەنٸ ٷشٸن كەشٸرٸم سۇرادى. ول ٶزٸنە قاتىستى ايتىلعان "ميلليون دوللارى بار شابادانمەن اۋعانستاننان قاشتى" دەگەن تۇجىرىمدى تاعى جوققا شىعاردى. ونىڭ ايتۋىنشا, قاۋٸپسٸزدٸك بويىنشا كەڭەسشٸلەرٸ قان تٶگٸلمەس ٷشٸن وعان ەلدەن كەتۋگە كەڭەس بەرگەن.
