اق جايىق جۇرتشىلىعى لا-مانش بۇعازىن جٷزٸپ ٶتكەن ورالدىق ەنەل سىتدىقوۆانى قوشەمەتپەن قارسى الدى, دەپ حابارلايدى قازاقپارات.
ەۋەجايدان تٷسكەن بويدا سۇحبات بەرگەن ەنەل ەلٸبەكقىزى ٶزٸنٸڭ العا قويعان بٸر ماقساتىن ورىنداعانىن جەتكٸزدٸ.
- مەن بۇعان تٶرت جىلداي ەزٸرلەندٸم. 2016 جىلى العاشقى ەرەكەتٸم داۋىلدىڭ كٶتەرٸلۋٸنە بايلانىستى سەتسٸز اياقتالدى. دەگەنمەن العان بەتٸمنەن تانبادىم, - دەدٸ ەنەل – سٶيتٸپ 21 تامىز كٷنٸ لا-مانش بۇعازىن انگلييادان فرانتسيياعا دەيٸن 34 شاقىرىمدى جٷزٸپ ٶتتٸم. تٷنگٸ ساعات 02.00-دە باستالعان بۇل ساپارىم 15 ساعات 15 مينۋتقا سوزىلدى.
- ەنەل, وسىنشاما قاشىقتىقتى گيدروكوستيۋمسٸز 16 گرادۋس سالقىن سۋدا جٷزٸپ ٶتۋ ەكٸنٸڭ بٸرٸنٸڭ قولىنان كەلە بەرمەيدٸ. ونىڭ ٷستٸنە تالاپ تا قاتاڭ عوي?
- يە, بۇل وڭاي اسۋ بولعان جوق. مەنٸڭ ترياتلونمەن اينالىسقانىما توعىز جىل بولدى. ونداعى بٸراز بيٸكتٸ باعىندىرعاننان كەيٸن ترياتلوننىڭ ەڭ قيىن دا اۋىر بٶلٸگٸ – جٷزۋگە دەن قويدىم. مەن بۇعان كەش كەلسەم دە, الدىما ايقىن ماقسات قويدىم. قازاقستاندا كەسٸبي سپورتشىلار از ەمەس, بٸراق ولار وسى كەزگە دەيٸن لا-مانش بۇعازىن جٷزٸپ ٶتپەگەن ەكەن. مۇنىڭ بٸرنەشە سەبەپتەرٸ بار. ەڭ الدىمەن سۋ ٶتە سالقىن ەرٸ ۇزاق ۋاقىت بويى جٷزۋگە تۋرا كەلەدٸ, الدىڭنان نە كٷتٸپ تۇرعانىن بٸلمەيسٸڭ, جٷرەكتٸلٸك تە كەرەك. قارجى دا قاجەت. باپكەرٸم, مەسكەۋلٸك سەرگەي لەنيۆكين جاقسى كٶمەكتەستٸ, ول دايىنداعان تاعى ەكٸ ادام لا-مانش بۇعازىن جٷزٸپ ٶتتٸ. سوسىن قايىقتا تٶرەشٸ, اسسوتسياتسييا ٶكٸلٸ بولدى, ول ەرەجەنٸڭ ساقتالۋىن باقىلاپ وتىرادى. قايىققا, ادامدارعا جاقىنداۋعا بولمايدى. توقتاماي جٷزٸپ, جاعاعا شىققاننان كەيٸن دوپينگ-باقىلاۋدان ٶتەسٸڭ. وسى تالاپتاردىڭ بەرٸنٸڭ ٷدەسٸنەن شىقتىم. سٶز رەتٸ كەلگەندە, ايتا كەتەيٸن, انگلييادا جٷزۋمەن اينالىساتىندار از ەمەس. ولار مۇنى ەدەتتەگٸ حوببي سانايدى, لا-مانش بۇعازىن بٸرنەشە رەت جٷزٸپ ٶتكەندەر بار.
- ەندٸگٸ ارمان-ماقساتتارىڭ قانداي?
- الدا اقش-تا تاعى وسىنداي ەكٸ ۇزاق قاشىقتىقتى جٷزٸپ ٶتسەم دەيمٸن. ونىڭ بٸرٸ – كاتالينا بۇعازى (35 شاقىرىمداي). ەكٸنشٸسٸ – مانحەتتەن ارقىلى 20 كٶپٸردٸ جٷزٸپ ٶتۋ. بۇل, قاتەلەسپەسەم, 60 شاقىرىمداي قاشىقتىق. سوندا ٷش مەرتە ۇزاق قاشىقتىقتى جٷزٸپ ٶتەر ەدٸم. ەندٸ, بۇيىرسا, سوعان دايىندالامىن. ەڭ باستىسى, ادام الدىنا ماقسات قويا بٸلسە, قانداي اسۋدى دا باعىندىرا الادى. مىسالى, مەن ٶزٸم بەرٸن 100 پايىز ورىنداعاندى جاقسى كٶرەمٸن. ەر مينۋتىم ەسەپتەۋلٸ دەۋگە بولادى. تاڭەرتەڭ بالالارىم ساباقتا بولعان كەزدە جٷزۋمەن اينالىسامىن. ولاردى مەكتەپتەن الىپ كەلگەن سوڭ وتباسىما كٶڭٸل بٶلەمٸن.
- جالپى, وتباسىڭدا جولىڭدى قۋعاندار بار ما? سپورتقا قۇشتارلىقتى كٸمنەن الدىڭ?
- جولداسىم نۇرلانمەن بٸرگە ٷش ۇل تەربيەلەپ وتىرمىز. ولار كەسٸبي تٷردە اينالىسپاعانمەن, دەنەسٸن شىنىقتىرعاندى جەك كٶرمەيدٸ. اتا-انام دا سپورتتان الىس ەمەس. مەن ٶزٸم مۇنداي قۇشتارلىقتى نۇرزييا اتتى ٶتە پىسىق ەجەمنەن الدىم دەپ ويلايمىن.
***
ايتا كەتەيٸك, ەنەلدٸڭ ەكەسٸ, قۇرىلىس سالاسىندا تەجٸريبەسٸ مول, ٶڭٸردە باسشىلىق قىزمەتتەر اتقارعان ەلٸبەك باقتىگەرەيۇلى ۆولەيبولمەن تۇراقتى اينالىسادى. ال اناسى, ماتەماتيك-ۇستاز قاناپييا مۇحامبەتقىزى شاڭعىعا بەيٸم.
- ەنەل بٸز تاسقالا اۋدانىندا تۇرعان كەزدە دٷنيەگە كەلدٸ. كٸشكەنتاي كەزٸنەن دەركٶل ٶزەنٸنە اپارىپ جٷردٸم. سوندا مەكتەپكە باردى, كەيٸن ورالدا وقىدى. قىزىمىزدىڭ العان بەتٸنەن قايتپايتىنىن بٸلەتٸنبٸز. وسى جولى جٷزٸپ ٶتپەسە, بەرٸبٸر كەلەسٸدە تاعى ەرەكەت جاسار ەدٸ. ەرينە, قاۋٸپتٸ بولعاندىقتان, قاتتى قوبالجىدىق. بەرٸ سەتتٸ اياقتالعانىنا قۋانىشتىمىز, - دەدٸ قاناپييا مۇحامبەتقىزى.
ەسكە سالا كەتەيٸك, بۇدان بۇرىن قازاقستان پرەزيدەنتٸ قاسىم-جومارت توقاەۆتىڭ لا-مانش بۇعازىن جٷزٸپ ٶتكەن ەنەل سىتدىقوۆانى قۇتتىقتاعانىن جازعان بولاتىنبىز.
