پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ ٷكٸمەتٸ مەن امەريكا قۇراما شتاتتارىنىڭ ٷكٸمەتٸ اراسىنداعى حالىقارالىق سالىق تەرتٸبٸن جەتٸلدٸرۋ تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى قازاقپارات.
اتالعان كەلٸسٸمگە 2017 جىلعى 11 قىركٷيەكتە ەلوردادا قول قويىلدى.
«قۇجاتقا سەيكەس اقش قارجى ۇيىمدارىمەن حالىقارالىق ٸسكەرلٸك وپەراتسييالار جٷرگٸزەتٸن بارلىق شەتەلدٸك قارجى ۇيىمدارى اقش سالىق تٶلەۋشٸلەرٸنٸڭ شوتتارى تۋرالى اقپارات بەرۋگە مٸندەتتٸ. زاڭ جوباسى قارجى ۇيىمدارىنىڭ, ونىڭ ٸشٸندە كرەديتتٸك ۇيىمداردىڭ, ساقتاندىرۋ, بروكەرلٸك جەنە باسقا دا وسىعان ۇقساس كومپانييالاردىڭ قىزمەتتەرٸن قامتيدى. وسى رەجيمگە قوسىلماعان جاعدايدا, ەگەر تٶلەمدٸ الۋشى اقش-تا سالىق سالىناتىن تۇلعا بولسا جەنە اۋدارىلعان قاراجات اقش-تاعى ينۆەستيتسييالارمەن بايلانىستى تابىس بولسا, حالىقارالىق بانك اۋدارىمدارى سوماسىنىڭ 30% - ى ۇستالۋى مٷمكٸن. كەلٸسٸمگە قوسىلعان قارجى ينستيتۋتتارى قازاقستاندا شوت اشقان بارلىق امەريكاندىق جەكە جەنە زاڭدى تۇلعالار تۋرالى اقپاراتتى انىقتاۋعا ەرٸ اشۋعا مٸندەتتٸ بولادى», - دەدٸ قر ۇلتتىق ەكونوميكا مينيسترٸ ەلٸبەك قۋانتىروۆ.
ونىڭ ايتۋىنشا, وسىعان ۇقساس, قازاقستاننىڭ كەلٸسٸمگە قوسىلۋى اقش-تا شوت اشقان بارلىق قازاقستاندىق جەكە جەنە زاڭدى تۇلعالار تۋرالى اقپارات الۋعا مٷمكٸندٸك بەرەدٸ. ياعني, اتالعان مەسەلە بويىنشا ەلدەر اراسىنداعى ٶزارا ٸس-قيمىل قازاقستاننىڭ بيۋدجەتٸنە دە وڭ ەسەرٸن تيگٸزەدٸ.
كەلٸسٸمگە سەيكەس, قازاقستان ورتالىقتاندىرىلعان اقپارات جيناۋدى كٶزدەيتٸن مودەلدٸ نەعۇرلىم وڭتايلى قادام رەتٸندە تاڭدادى, ٶيتكەنٸ وسى مودەلدٸ ٸسكە اسىرۋ:
- قارجى جٷيەسٸن باقىلاۋدى ساقتاۋعا;
- اقش-تان قازاقستاننىڭ رەزيدەنتتەرٸ جەنە ازاماتتارى تۋرالى تيٸستٸ اقپارات الۋعا;
- قازاقستان قارجى ينستيتۋتتارىنىڭ ەكٸمشٸلٸك شىعىندارىن قىسقارتۋعا;
- كەلٸسٸمنٸڭ تالاپتارىمەن بايلانىستى قارجى سەكتورى ٷشٸن تەۋەكەلدەردٸ تٶمەندەتۋگە مٷمكٸندٸك بەرەدٸ.
«قازاقستان رەسپۋبليكاسىنىڭ حالىقارالىق شارتتارى تۋرالى» قازاقستان رەسپۋبليكاسىنىڭ زاڭىنا سەيكەس كەلٸسٸم راتيفيكاتسييالاۋعا جاتادى.
