كوروناۆيرۋستىڭ جىلدام جۇعاتىن جاڭا تٷرٸ – وميكرون اقش-تا تاراپ جاتقان ۆيرۋستىڭ نەگٸزگٸ تٷرٸنە اينالدى. 20 جەلتوقساندا اقش دەنساۋلىق ساقتاۋ جٷيەسٸنٸڭ ٶكٸلدەرٸ وسىلاي دەپ مەلٸمدەدٸ. بٸرنەشە ٸرٸ قالادا ماسكا تاعۋ جەنە ٶزگە دە شەكتەۋ شارالارى قايتا ەنگٸزٸلدٸ.
اقش اۋرۋدى باقىلاۋ جەنە الدىن الۋ ورتالىعىنىڭ مەلٸمەتٸنشە, ٶتكەن اپتادا كوروناۆيرۋس جۇقتىرعانداردىڭ 73 پايىزىنان وميكرون انىقتالعان. دەنساۋلىق ساقتاۋ سالاسىنىڭ ماماندارى ٶزگە ەلدەردە ناۋقاستار كٶبەيٸپ جاتقان تۇستا بۇل تاڭعالارلىق جايت ەمەس ەكەنٸن ايتادى.
افريكا عالىمدارى وميكرون جٶنٸندە العاش رەت ٶتكەن ايدا حابارلاعان جەنە 26 قاراشادا دٷنيەجٷزٸلٸك دەنساۋلىق ساقتاۋ ۇيىمى (ددسۇ) ونى "الاڭداتارلىق شتامم" دەپ اتاعان. كوروناۆيرۋس مۋتاتسيياسى سودان بەرٸ شامامەن 90 ەلدە انىقتالعان.
نيدەرلاندى روجدەستۆو كەزٸندە لوكداۋن جارييالادى. ال ەۋروپا كوميسسيياسىنىڭ پرەزيدەنتٸ ۋرسۋلا ۆون دەر لەيەن قاڭتاردىڭ ورتاسىنا قاراي وميكرون ەۋروپادا تارايتىن نەگٸزگٸ كوروناۆيرۋس تٷرٸنە اينالادى دەپ مەلٸمدەدٸ.
اق ٷيدٸڭ رەسمي ٶكٸلٸ دجەن پساكيدٸڭ حابارلاۋىنشا, پرەزيدەنت دجو بايدەن 21 جەلتوقساندا امەريكا حالقىنا مەلٸمدەمە جاساپ, "ۆاكتسينانىڭ پايداسىنا" توقتالادى. دەگەنمەن پساكيدٸڭ ايتۋىنشا, بايدەن وسىعان دەيٸن ەلدە لوكداۋن جارييالامايتىنىن ايتقان.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
