امەريكا قۇراما شتاتتارىندا كوروناۆيرۋستىڭ وميكرون شتامىن جۇقتىرۋ سالدارىنان بولعان العاشقى ٶلٸم وقيعاسى تٸركەلدٸ, دەپ حابارلايدى قازاقپارات اۆس تەلەارناسىنىڭ اقپاراتقا سٸلتەمە جاساپ.
تەلەارنا مەلٸمەتٸنشە, قايتىس بولعان پاتسيەنت – حارريس وكرۋگٸنٸڭ تۇرعىنى, 50 جاس شاماسىنداعى ەر ادام ەكپە سالدىرتقان جوق جەنە دەنساۋلىعىنا بايلانىستى پروبلەمالارى بولعان.
دٷيسەنبٸ كٷنٸ اقش ەلٸنٸڭ اۋرۋلاردى قاداعالاۋ جەنە الدىن الۋ جٶنٸندەگٸ فەدەرالدىق ورتالىقتارى كوروناۆيرۋستىڭ وميكرون نۇسقاسىنىڭ اقش-تا باسىم بولعانىن مەلٸم ەتتٸ. ٶتكەن اپتا ٸشٸندە جينالعان مەلٸمەتكە سەيكەس, ول ۆيرۋس جۇقتىرعانداردىڭ 75 پايىزدان استامىنان انىقتالعان. ەلدٸڭ بٸرقاتار شتاتتارىندا, سونىڭ ٸشٸندە وڭتٷستٸك-شىعىسى مەن سولتٷستٸك-باتىستا وميكرون شتامىن جۇقتىرعاندار ٷلەسٸ 90 پايىزدان اسىپ وتىر.
دجونس حوپكينس ۋنيۆەرسيتەتٸنٸڭ باعالاۋىنشا, اقش-تا ٸندەت جۇقتىرۋعاندار سانى 51 ملن ادامعا جەتكەن, 807, 5 مىڭ ادام قايتىس بولدى. بۇل رەتتە سوڭعى تٶرت اپتادا قاۋٸپتٸ ۆيرۋستى 3 ملن استام ادام جۇقتىرىپ, 34,3 مىڭنان استامى ودان كٶز جۇمدى. اقش وسى ەكٸ كٶرسەتكٸش جاعىنان ەلەمدە بٸرٸنشٸ ورىن الىپ وتىر.
