Amerika Qurama Shtattarynda koronavirýstyń omikron shtamyn juqtyrý saldarynan bolǵan alǵashqy ólim oqiǵasy tirkeldi, dep habarlaidy QazAqparat AVS telearnasynyń aqparatqa silteme jasap.
Telearna málimetinshe, qaitys bolǵan patsient – Harris okrýginiń turǵyny, 50 jas shamasyndaǵy er adam ekpe saldyrtqan joq jáne densaýlyǵyna bailanysty problemalary bolǵan.
Dúisenbi kúni AQSh eliniń Aýrýlardy qadaǵalaý jáne aldyn alý jónindegi federaldyq ortalyqtary koronavirýstyń omikron nusqasynyń AQSh-ta basym bolǵanyn málim etti. Ótken apta ishinde jinalǵan málimetke sáikes, ol virýs juqtyrǵandardyń 75 paiyzdan astamynan anyqtalǵan. Eldiń birqatar shtattarynda, sonyń ishinde ońtústik-shyǵysy men soltústik-batysta omikron shtamyn juqtyrǵandar úlesi 90 paiyzdan asyp otyr.
Djons Hopkins ýniversitetiniń baǵalaýynsha, AQSh-ta indet juqtyrýǵandar sany 51 mln adamǵa jetken, 807, 5 myń adam qaitys boldy. Bul rette sońǵy tórt aptada qaýipti virýsty 3 mln astam adam juqtyryp, 34,3 myńnan astamy odan kóz jumdy. AQSh osy eki kórsetkish jaǵynan álemde birinshi oryn alyp otyr.
