امەريكا قۇراما شتاتتارىندا سەرسەنبٸ كٷنٸ Pfizer Inc كومپانيياسىنىڭ COVID-19-عا قارسى پرەپاراتى (PFE.N) ماقۇلداندى. ول قاتتى اۋىرۋ قاۋپٸ بار 12 جاستان اسقان ادامدارعا ارنالعان. ونى ٷي جاعدايىندا ەم قابىلداۋ كەزٸندە قولدانۋعا بولادى. بۇل, سونىمەن قاتار, تەز تارالىپ جاتقان «وميكرون» شتامىنا قارسى جاڭا قۇرال رەتٸندە ۇسىنىلدى, دەپ حابارلايدى قازاقپارات Reuters-كە سٸلتەمە جاساپ.
Pfizer كومپانيياسىنىڭ كلينيكالىق زەرتتەۋٸنٸڭ دەرەكتەرٸنە ساي, Paxlovid انتيۆيرۋستىق پرەپاراتى 90% تيٸمدٸلٸگٸن كٶرسەتكەن. سوڭعى زەرتحانالىق دەرەكتەر بويىنشا, پرەپارات «وميكرون» شتامىمەن كٷرەسۋگە دە جارامدى.
«پرەپاراتتىڭ ماقۇلدانۋى – ماڭىزدى قادام, ول COVID-19 ينفەكتسيياسىن باسقارۋعا كٶمەكتەسەدٸ», دەدٸ دجونس حوپكينس دەنساۋلىق ساقتاۋ ينستيتۋتىنىڭ اعا عىلىمي قىزمەتكەرٸ امەش اداليا.
«الايدا بۇل ورايدا ەكٸ مەسەلە تۋىندايدى: الداعى اپتالاردا پرەپارات از بولادى, ونى تيٸمدٸ قولدانۋ تەز دياگنوستيكانى تالاپ ەتەدٸ, ال بۇل كوروناۆيرۋسقا تەست تاپسىرۋداعى تۇراقتى پروبلەمالاردىڭ سالدارىنان قيىنعا سوعادى».
Pfizer كومپانيياسىنىڭ حابارلاۋىنشا, 180 000 ەم كۋرسىنا ارنالعان پرەپارات وسى جىلى جٸبەرۋگە دايىن تۇر. كومپانييا مەن اقش ٷكٸمەتٸ وتىرعان كەلٸسٸم-شارت بويىنشا, ەر كۋرس 530 دوللارعا باعالانىپ وتىر. ٷكٸمەت 10 ميلليون ەم كۋرسىنا ارنالعان پرەپارات سۇراتقان.
پرەپارات تەك رەتسەپتپەن بەرٸلەدٸ. دەرٸنٸ قابىلداۋ كوروناۆيرۋس سيمپتومدارى بايقالعان كەزدەن باستاپ بەس كٷنٸ بويى ەر 12 ساعات سايىن قابىلداپ وتىرۋ كەرەك.
