اقش-تىڭ ورەگون جەنە ۆاشينگتون شتاتتارىندا 76 ادام قالىپتان تىس ىستىقتىڭ قۇربانى بولدى, ال دەنەنٸڭ قىزىپ كەتۋٸنە بايلانىستى اۋرۋحاناعا جاتقىزىلعانداردىڭ سانى جٷزدەپ سانالادى, دەپ حابارلايدى قازاقپارات The Wall Street Journal گازەتٸنە سٸلتەمە جاساپ.
باسىلىمنىڭ مەلٸمەتٸنشە, تەك ورەگون شتاتىندا دەنەنٸڭ قىزىپ كەتۋ سالدارىنان 63 ادام قايتىس بولدى.
«بۇل ناعىز دەنساۋلىق داعدارىسىنا اينالدى. قالىپتان تىس ىستىقتىڭ ٶلٸمگە اپارىپ سوعاتىنىن كٶرسەتتٸ», – دەيدٸ مالتنوما وكرۋگٸنٸڭ (ورەگون) دەنساۋلىق ساقتاۋ دەپارتامەنتٸنٸڭ ٶكٸلٸ دوكتور دجەننيفەر ۆاينس. «بٸزدٸڭ جاقتا جاز بۇدان دا قاتتى ىسيدى, سوندىقتان بۇل جاعداي ەلٸ دە قايتالانادى دەپ ويلايمىن».
پورتلەندتا جەنە شتاتتىڭ باسقا دا قالالارىندا وسى اپتادا تەمپەراتۋرا 46 گرادۋسقا دەيٸن كٶتەرٸلدٸ. كٶرشٸلەس ۆاشينگتون شتاتىندا سەل سالقىنداۋ بولدى, وندا ىستىق سالدارىنان بولعان 13 ٶلٸم راستالدى. كٶز جۇمعاندار 44-تەن 97 جاسقا ارالىعىندا. ولاردىڭ ٶلٸمٸنٸڭ سەبەبٸ گيپەرتەرمييا –دەنەنٸڭ ىستىقتى جەڭە المايتىنداي قىزىپ كەتۋٸ.
ۆاشينگتوننىڭ مەديتسينا باسقارماسى اپتاپ سالدارىنان ٶزٸن ناشار سەزٸنگەن 1 648 ادامعا شۇعىل بارعاندارى تۋرالى حابارلادى. 358 جاعدايدا ادامدار ستاتسيونارلىق ەمدەلۋگە جٸبەرٸلدٸ.
اقش ۇلتتىق مەتەورولوگييالىق قىزمەتٸنٸڭ بولجامىنا سەيكەس, ەلدٸڭ باتىس جاعالاۋىنداعى قالىپتان تىس ىستىق تاعى بٸرنەشە كٷنگە سوزىلادى.
