دجوردج فلويدتىڭ ٶلٸمٸنە كٸنەلٸ دەگەن ايىپ تاعىلعان بۇرىنعى پوليتسييا قىزمەتكەرٸ دەرەك شوۆين سوت تىڭداۋىندا وتىر. ميننەسوتا, اقش, 25 ماۋسىم 2021 جىل. ۆيدەودان سكرينشوت.
اقش-تىڭ ميننەسوتا شتاتىنىڭ سوتى بۇرىنعى پوليتسييا قىزمەتكەرٸ 45 جاستاعى دەرەك شوۆيندٸ 22 جارىم جىلعا تٷرمەگە قاماۋعا ٷكٸم شىعاردى. سوت شوۆيندٸ پوليتسييا كٷدٸكتٸ رەتٸندە ۇستاعاننان كەيٸن كٶز جۇمعان افروامەريكالىق دجوردج فلويدتىڭ ٶلٸمٸنە ايىپتى دەپ تانىدى.
فلويدتىڭ قازاسى بىلتىر اقش-تا جاپپاي نارازىلىق تۋعىزىپ, نەسٸلشٸلدٸك مەسەلەسٸنٸڭ قايتا قوزعالۋىنا تٷرتكٸ بولدى. جٷزدەگەن قالادا "قارا نەسٸلدٸلەردٸڭ ٶمٸرٸ ماڭىزدى" دەگەن ۇرانمەن نەسٸلشٸلدٸككە قارسى نارازىلىق اكتسييالارى ٶتكەن. بۇل وقيعالار ەلدەگٸ قوعامدىق-ساياسي پروتسەستەرگە ەسەر ەتتٸ.
جۇما كٷنٸ سۋديا پيتەر كەحيلل 22 بەتتەن تۇراتىن ٷكٸمدٸ جارييالاپ, ونى ەموتسيياعا نەمەسە ەڭ قاتاڭ جازا تالاپ ەتكەن قوعامدىق پٸكٸرگە ەمەس, زاڭعا سٷيەنٸپ شىعارعانىن مەلٸمدەدٸ. ول بۇعان قوسا فلويد وتباسى مٷشەلەرٸنٸڭ "قايعىسىن سەزٸنەتٸنٸن" ايتتى.
بۇل - اقش تاريحىندا قىزمەت بابىندا ادام ٶلتٸرٸپ العان بۇرىنعى پوليتسييا قىزمەتكەرلەرٸنە شىعارىلعان ەڭ قاتاڭ ٷكٸم بولىپ وتىر. ٷكٸمدە شوۆيننٸڭ ايىبىن اۋىرلاتقان قىزمەت ٶكٸلەتٸن تەرٸس پايدالانۋ جەنە ادامنىڭ قادٸر-قاسيەتٸن تاپتاۋ تەرٸزدٸ جايتتار ەسكەرٸلگەن.
پروكۋراتۋرا ساراپشى رەتٸندە شاقىرتقان دەرٸگەرلەر دجوردج فلويد دەم جەتپەي, تۇنشىعىپ ٶلگەن دەگەن قورىتىندى شىعارعان.
ايىپتاۋشى تاراپ سوتتان دەرەك شوۆيندٸ 30 جىلعا بوستاندىعىنان ايىرۋدى سۇراعان ەدٸ. شوۆين ٷكٸم شىعار الدىندا فلويدتىڭ تۋىستارىنا كٶڭٸل ايتقان, بٸراق ول ٶزٸنە تاعىلعان ايىپپەن كەلٸسپەگەن. ونىڭ ادۆوكاتتارى فلويدتىڭ اجالىنا پوليتسييانىڭ ٸس-قيمىلى سەبەپ بولعانىنا دەلەل جوق دەگەن ۋەج ايتقان.
بىلتىر 25 مامىردا دٷكەندە جالعان كۋپيۋرا ٶتكٸزگەن دەگەن كٷدٸككە ٸلٸنگەن 46 جاستاعى دجوردج فلويدتى پوليتسييا ۇستاعان. پوليتسييا وفيتسەرٸ دەرەك شوۆيننٸڭ جەردە جاتقان فلويدتى موينىنان تٸزەسٸمەن باسىپ, توعىز مينۋتتان استام ۋاقىت بويى تاپجىلتپاي ۇستاعانى جايلى ۆيدەو جۇرتقا تاراعان. وندا فلويدتىڭ دەم جەتپەي جاتقانىن ايتىپ ايقايلاعانى, اناسىن شاقىرعانى ەستٸلەدٸ. سول كٷنٸ كەشكە پوليتسييا فلويدتى ميننەاپوليستەگٸ اۋرۋحاناعا جەتكٸزٸپ, ول سوندا قايتىس بولدى.
بيىل سەۋٸردە 12 ادامنان قۇرالعان سوت القاسى "ابايسىزدا كٸسٸ ٶلتٸرۋ", "ادام ٶلتٸرۋ" جەنە "تۇنشىقتىرۋ" باپتارى بويىنشا ايىپ تاعىلعان دەرەك شوۆيندٸ كٸنەلٸ دەپ تاپقان.
