اقش مەملەكەتتٸك دەپارتامەنتٸ دٷيسەنبٸ كٷنٸ "سولتٷستٸك اعىس – 2" گاز قۇبىرى جوباسىنا قاتىسقان كومپانييالارعا جاڭا سانكتسييا ەنگٸزگەنٸن حابارلادى.
اقپاراتقا قاراعاندا, كيپردە تٸركەلگەن Transadria كومپانيياسى مەن وعان تيەسٸلٸ Marlin كەمەسٸنە شەكتەۋ قويىلعان. بۇل كەمە گاز قۇبىرىن سالعان كەزدە پايدالانىلعان.
سانكتسييا جايلى اقپارات اقش مەملەكەتتٸك دەپارتامەنتٸنٸڭ كونگرەسكە جٸبەرگەن سانكتسييالار جٶنٸندەگٸ ەسەبٸندە ايتىلعان. اقش مەملەكەتتٸك حاتشىسى ەنتوني بلينكەننٸڭ مەلٸمدەمەسٸندە قازٸرگە دەيٸن گاز قۇبىرىنا قاتىسى بار سەگٸز ادام جەنە 17 كەمەگە سانكتسييا سالىنعانى جازىلعان.
"سولتٷستٸك اعىس – 2" جوباسىنىڭ قوسىلۋىنا مٷددەلٸ گەرمانييامەن جاقسى قارىم-قاتىناستى ساقتاۋ قاجەتتٸگٸن العا تارتقان دجو بايدەن ەكٸمشٸلٸگٸ كونگرەسس ٷندەۋٸنە قاراماستان جوبا وپەراتورىنا سانكتسييا سالۋدان باس تارتىپ كەلەدٸ.
قازٸر رەسەي گازى ەۋروپاعا ۋكراينا ارقىلى تاسىمالدانادى. اقش, ەۋرووداقتىڭ بٸرقاتار مٷشەسٸ جەنە ۋكراينانىڭ پٸكٸرٸنشە, اتالعان جوبا مەسكەۋدٸڭ كيەۆكە قىسىمىن ٷدەتٸپ, ەو-نىڭ رەسەيلٸك "گازپرومعا" تەۋەلدٸلٸگٸن ارتتىرادى. مەسكەۋ مۇنداي قاۋٸپ بارىن تەرٸستەيدٸ.
قۇرىلىسى اياقتالعان گاز قۇبىرىن ٸسكە قوسۋ مەرزٸمٸ قۇجات مەسەلەلەرٸنە تٸرەلٸپ تۇر. بٸرٸنشٸدەن, ەۋرووداقتاعى ارنايى قۇرىلىمدار جوبانى ماقۇلداپ, ٸسكە قوسۋعا رۇقسات بەرۋٸ تيٸس. بۇل پروتسەسس بٸرنەشە ايعا سوزىلادى. ەكٸنشٸدەن, گاز قۇبىرىن سەرتيفيكاتسييادان ٶتكٸزەتٸن گەرمانيياداعى ۆەدومستۆو شۆەيتسارييادا شوعىرلانعان جوبا وپەراتورىنان گەرمانييا اۋماعىندا ەنشٸلەس كومپانييا قۇرىپ, وعان اكتيۆتەرٸنٸڭ باسىم بٶلٸگٸن شوعىرلاندىرۋدى تالاپ ەتٸپ وتىر. اقپارات قۇرالدارىنىڭ جازۋىنشا, جوبا وپەراتورى بۇل تالاپتاردى ورىنداۋعا كٷش سالادى.
