اقش رەسەيگە سالىنعان سانكتسييالاردىڭ قازاقستانعا ەسەرٸن بارىنشا جۇمسارتۋعا تىرىسادى. بۇل تۋرالى اقش مەملەكەتتٸك حاتشىسى ۋزرا زەيامەن كەزدەسۋدەن كەيٸنگٸ بريفينگٸدە قر سىرتقى ٸستەر مينيسترٸنٸڭ بٸرٸنشٸ ورىنباسارى اقان راحمەتۋللين ايتتى, دەپ حابارلايدى قازاقپارات.
«مەسەلە شىنىمەن دە ٶتە كٷردەلٸ, ەرٸ ماڭىزدى. قازٸر عانا اقش مەملەكەتتٸك حاتشىسىنىڭ ورىنباسارى اتاپ ٶتكەندەي, اقش رەسەيگە, بٸرقاتار تۇلعاعا تەڭدەسسٸز سانكتسييا سالىپ وتىر. ەلدەرٸمٸزدٸڭ اراسىندا تەرەڭ ينتەگراتسييانىڭ, ەلەمدەگٸ ەڭ ۇزىن شەكارانىڭ بولۋىنا بايلانىستى بۇل سانكتسييالاردىڭ ەسەرٸنەن تىسقارى قالمايتىندىعىمىز سٶزسٸز. مۇنى قازٸردٸڭ ٶزٸندە باعا قالىپتاسۋ ساياساتىنان, دٷكەندەردەگٸ احۋالدان بايقاپ جٷرسٸزدەر», - دەدٸ مينيستردٸڭ بٸرٸنشٸ ورىنباسارى باق ٶكٸلدەرٸنٸڭ ساۋالىنا وراي.
ول قازاقستان ٷكٸمەتٸ اقش ٶكٸلدەرٸمەن بارلىق دەڭگەيدە قارقىندى كەلٸسسٶز جٷرگٸزٸپ جاتقانىن اتاپ ٶتتٸ.
«وسى ورايدا اقش-قا وسىناۋ يكەمدٸلٸگٸ, ىنتىماقتاستىققا دايىندىعى ٷشٸن ريزاشىلىعىمدى بٸلدٸرگٸم كەلەدٸ. سىرتقى ٸستەر مينيسترلٸگٸ قازٸردٸڭ ٶزٸندە مٷددەلٸ تاراپتار كەلٸسسٶزٸنٸڭ بٸرنەشە راۋندىن ٶتكٸزدٸ. وعان قازاقستان تاراپىنان ەكونوميكا مەن قارجى سالاسىنا جۇمىلدىرىلعان مەملەكەتتٸك ورگاندار, «اتامەكەن» ۇكپ ٶكٸلدەرٸ, اقش تاراپىنان ەلشٸلٸك, مەملەكەتتٸك دەپارتامەنتٸ, ٶزگە دە ۆەدموستۆولارىنىڭ ٶكٸلدەرٸ قاتىستى. اتالعان كونسۋلتاتسييالار بارىسىندا بٸزدٸڭ تاراپىمىزعا وسى سانكتسييالار كەزٸندە نە ٸستەۋمٸزگە قاتىستى ەگجەي-تەگجەيلٸ جاۋاپ بەرٸلدٸ. شىندىعىندا امەريكالىق تاراپ نارىقتارىمىزدىڭ, ەكونوميكامىزدىڭ ٶزارا تىعىز بايلانىستى ەكەنٸن تٷسٸنٸپ وتىر جەنە ولار سانكتسييالاردىڭ قازاقستاندىق ەكونوميكاعا ەسەرٸن بارىنشا جەڭٸلدەتۋگە, تٶمەندەتۋگە تىرىسۋدا. بۇل باعىتتا جۇمىس ودان ارى دا جالعاسا بەرەدٸ», - دەدٸ اقان راحمەتۋللين.
