اقش مەملەكەتتٸك دەپارتامەنتٸ رەسەيدە ٶتكەن پارلامەنت جەنە جەرگٸلٸكتٸ بيلٸك ورگانىن سايلاۋدىڭ قورىتىندىسىن سىناپ, مەلٸمدەمە تاراتتى. وندا سايلاۋدىڭ "ەركٸن ەرٸ ەدٸل" ٶتپەگەنٸ جازىلعان, دەپ حابارلايدى ازاتتىق.
"رەسەي ٷكٸمەتٸنٸڭ "ەكسترەميستٸك ۇيىم", "شەتەل اگەنتٸ" جەنە "كەرەكسٸز ۇيىمدار" تۋرالى زاڭداردى پايدالانۋى ساياسي پليۋراليزمدٸ شەكتەپ, رەسەي حالقىنا ٶزدەرٸنٸڭ ازاماتتىق جەنە ساياسي قۇقىقتارىن جٷزەگە اسىرۋىنا مٷمكٸندٸك بەرمەدٸ. سونىمەن بٸرگە سايلاۋعا دەيٸن تەۋەلسٸز ساياسي تۇلعالاردى قارالاۋ تالپىنىسى دا بايقالدى, ال ەقىۇ باقىلاۋشىلارىنا سايلاۋدى باقىلاۋعا مٷمكٸندٸك بەرٸلمەدٸ, بۇل ساياسي ناۋقاننىڭ اشىقتىعىن ازايتتى" دەلٸنگەن مەلٸمدەمەدە.
مەلٸمدەمە اۆتورى "مۇنىڭ بارلىعى رەسەيدٸڭ ازاماتتىق جەنە ساياسي قۇقىقتار تۋرالى حالىقارالىق پاكت, ەقىۇ جەنە ٶزگە دە حالىقارالىق جەنە ايماقتىق ۇيىمدار الدىندا العان مٸندەتتەمەلەرٸنە قايشى" دەپ اتاپ ٶتكەن.
"بٸز رەسەيدٸ حالىقارالىق مٸندەتتەمەلەرٸن ورىنداپ, ادام قۇقىعى مەن ونىڭ نەگٸزگٸ بوستاندىقتارىن قۇرمەتتەۋگە, سونىمەن بٸرگە ازاماتتىق قوعام مەن ساياسي وپپوزيتسييا جەنە تەۋەلسٸز باق-قا قىسىم جاساۋىن دوعارۋعا شاقىرامىز" دەدٸ اقش مەملەكەتتٸك دەپارتامەنت ٶكٸلدەرٸ.
مەلٸمدەمە اۆتورى سونىمەن بٸرگە رەسەي اننەكسييالاپ العان قىرىم مەن ٶزٸن رەسپۋبليكا دەپ جارييالاعان "دونەتسك" (دنر) جەنە "لۋگانسك حالىق رەسپۋبليكالارىندا" (لنر) مەملەكەتتٸك دۋما سايلاۋىنىڭ ٶتكەنٸن مويىندامايتىنىن دا جەتكٸزدٸ.
ۇلىبريتانييا دا وسىعان ۇقساس مەلٸمدەمە تاراتتى. وندا رەسەي بيلٸگٸنٸڭ "ازاماتتىق قوعامدى مارگيناليزاتسييالاۋى, تەۋەلسٸز باق-تى تۇنشىقتىرۋى, شىنايى وپپوزيتسييانى سايلاۋدان شەتتەتۋٸ ساياسي پليۋراليزمگە نۇقسان كەلتٸرەدٸ" جەنە "رەسەيدٸڭ حالىقارالىق قاۋىمداستىق الدىندا العان مٸندەتتەمەلەرٸنە قايشى" دەپ كٶرسەتٸلگەن.
ۇلىبريتانييا ۋكراينانىڭ سۋۆەرەندٸ تەرريتوريياسى – قىرىمدا مەملەكەتتٸك دۋما سايلاۋىنىڭ ٶتۋٸن زاڭسىز دەپ سانايتىنىن جەتكٸزدٸ.
رەسەيدە سايلاۋ 17-19 قىركٷيەك ارالىعىندا ٶتكەن. باقىلاۋشىلار سايلاۋ كەزٸندە بيۋللەتەندەردٸ توپتاپ سالۋ, باقىلاۋشىلاردى سايلاۋ ۋچاسكەسٸنەن شىعارۋعا تىرىسۋ سيياقتى زاڭبۇزۋشىلىقتار, سايلاۋ قارساڭىندا قارسىلاس جاقتىڭ تانىمال كانديداتتارىنا ۇقساس ادامداردى سايلاۋعا شىعارۋ سيياقتى ەرەكەتتەر بايقالعانىن حابارلادى.
رەسەي وسك مەلٸمەتٸنشە, ۆلاديمير پۋتيندٸ قولدايتىن "ەدينايا روسسييا" سايلاۋدا 49 پايىزدان كٶپ داۋىس العان, كپرف – 19 پايىز, لدپر – 7,49 پايىز, "سپراۆەدليۆايا روسسييا – پاتريوتى – زا پراۆدۋ" – 7,42 جەنە "نوۆىە ليۋدي" – 5,35 پايىز داۋىس جيناعان. قالعان پارتييالار بەس پايىزدىق مەجەدەن ٶتە الماعان. رەسەيدە پارلامەنتتٸڭ تٶمەنگٸ پالاتاسى – مەملەكەتتٸك دۋماعا ٶتۋ ٷشٸن ساياسي پارتييالار سايلاۋشىلاردىڭ كەمٸندە 5 پايىز داۋىسىن جيناۋى تيٸس.
