1 مامىردا اقش پەن ناتو اۋعانستاننان ەسكەرٸن ەكەتۋدٸ رەسمي تٷردە باستادى. بۇل تۋرالى سەنبٸدە اق ٷي مەن پەنتاگون ٶكٸلدەرٸ مەلٸمدەدٸ.
قازٸر اۋعانستاندا اقش-تىڭ 2500-3500, ناتو-نىڭ 7000 ەسكەري قىزمەتكەرٸ بار. ولاردىڭ بەرٸ جازدىڭ سوڭىنا دەيٸن كەتۋٸ تيٸس. وسىلايشا باتىس كٷشتەرٸ جيىرما جىلعا جۋىق ۋاقىتتان سوڭ ەلدەن بٸرجولا كەتپەك.
اقش پەن "تاليبان" كەلٸسٸمٸنە سەيكەس شەتەل كٷشتەرٸ اۋعانستاننان 1 مامىرعا دەيٸن كەتۋگە تيٸس بولعان. بٸراق اقش پرەزيدەنتٸ دجو بايدەن تىم اسىعىس كەتۋ اقش-تىڭ جەنە وداقتاستاردىڭ ەسكەري كونتينگەنتٸنە قاۋٸپ تٶندٸرەدٸ دەپ مەرزٸمدە كەيٸنگە ىسىرعان.
30 سەۋٸر كٷنٸ كەشكە اۋعانستان ٸشكٸ ٸستەر مينيسترٸنٸڭ مٸندەتٸن اتقارۋشى حاياتۋللا حايات "تاليبان" شابۋىلداۋى مٷمكٸن دەپ قاۋٸپسٸزدٸك شاراسىن كٷشەيتتٸ. سول كٷنٸ وسى مەلٸمدەمەنٸڭ الدىندا لوگار ايماعىنىڭ ەكٸمشٸلٸك ورتالىعى پۋلي الامدا جارىلعىش زاتپەن جابدىقتالعان كٶلٸك جارىلىپ, كەمٸ 26 ادام مەرت بولدى, جٷزدەن استام ادام جاراقاتتاندى. ەشقانداي توپ بۇل شابۋىل ٷشٸن جاۋاپكەرشٸلٸك المادى.
ەسكەري كٷشتەردٸڭ ەلدەن تولىق كەتۋٸنەن سوڭ سوعىستان شارشاعان اۋعانستاندا تۇراقسىزدىقتىڭ جاڭا كەزەڭٸ باستالۋى مٷمكٸن دەگەن الاڭداۋشىلىق بار.
