امەريكا قۇراما شتاتتارى قازاقستانعا ۆيزاسىز رەجيم بەرۋگە ەلٸ دايىن ەمەس. بۇل تۋرالى قازاقستانداعى اقش ەلشٸسٸ ۋيليام موزەر ايتتى, دەپ حابارلايدى قازاقپارات تٸلشٸسٸ.
«مەنٸڭ ويىمشا, بٸزدٸڭ ەل ۆيزاسىز رەجيم بەرۋگە ەلٸ دايىن ەمەس. ٶيتكەنٸ بۇل - ٶتە ۇزاق ەرٸ كٷردەلٸ پروتسەسس. قازٸرگٸ پاندەمييا كەزٸندە دە ۆيزالار بويىنشا ٶتە كٶپ شەكتەۋ بار», - دەدٸ موزەر اقش ەلشٸلٸگٸ ۇيىمداستىرعان ونلاين دٶڭگەلەك ٷستەلدە تٸلشٸ سۇراعىنا بەرگەن جاۋابىندا.
سونىمەن بٸرگە, جۋرناليستەر «قازاقستان ازاماتتارى ٷشٸن ۆيزاسىز رەجيم ەنگٸزۋ تۋرالى كەلٸسسٶزدەر بولدى ما?» دەگەن سۇراق قويدى.
«ەزٸرگە قازاقستانمەن ۆيزاسىز رەجيم تۋرالى كەلٸسسٶزدەر بولعان جوق. قازٸر ۆاشينگتوندا جاڭا ەكٸمشٸلٸك جۇمىس ٸستەيدٸ, مۇنداي سۇراقتار تالقىلاۋدا بولادى, بٸراق دەل قازٸر ەكٸمشٸلٸك ٷشٸن باسقا مەسەلەلەر باسىمدىقتا بولىپ وتىر. دەگەنمەن بۇل بٸزدٸڭ كەلٸسسٶزدەر جٷرگٸزبەيتٸنٸمٸزدٸ بٸلدٸرمەيدٸ», - دەپ جاۋاپ بەردٸ اقش ەلشٸسٸ.
