اقش پەن گەرمانييا "سولتٷستٸك اعىس-2" جوباسىن سانكتسيياسىز اياقتاۋ جٶنٸندە كەلٸسٸمگە كەلدٸ. بۇل جٶنٸندە اقش مەملەكەتتٸك حاتشىسىنىڭ ورىنباسارى ۆيكتورييا نۋلاند مەلٸمدەدٸ.
ونىڭ سٶزٸنشە, ۆاشينگتون مەن بەرلين رەسەي گازىن ۋكراينا ارقىلى تاسىمالداۋ جوباسىن 10 جىلعا سوزادى. قازٸرگٸ قولدانىستاعى كەلٸسٸم مەرزٸمٸ 2024 جىلعا دەيٸن بولعان.
نۋلاند اقش پەن گەرمانييا ۋكراينانىڭ رەسەي گازىنا تەۋەلدٸلٸگٸن بارىنشا ازايتۋعا تىرىسامىز دەپ اتاپ ٶتتٸ. بۇدان بٶلەك, ەگەر مەسكەۋ كٶرشٸ ەلدەرگە ەنەرگييا رەسۋرستارى ارقىلى قىسىم جاسايتىن بولسا, گەرمانييا سانكتسييا سالادى.
ۋكراينا ەنەرگييا رەسۋرسىن ديۆەرسيفيكاتسييالاۋ ٷشٸن بەرلين مەن ۆاشينگتوننان قارجىلاي كٶمەك الادى.
رەسەي پرەزيدەنتٸ ۆلاديمير پۋتين مەن گەرمانييا كانتسلەرٸ انگەلا مەركەل تەلەفون ارقىلى سٶيلەسكەن كەزدە, "سولتٷستٸك اعىس-2" جوباسى قۇرىلىسىنىڭ اياقتالۋعا جاقىن ەكەنٸن, قۇرىلىس جۇمىسىنا كٶڭٸلٸ تولاتىنىن جەتكٸزگەن. بۇل جٶنٸندە كرەملدٸڭ باسپاسٶز قىزمەتٸ حابارلادى.
"سولتٷستٸك اعىس – 2" جوباسىنىڭ قۇرىلىسى 2016 جىلى باستالعان. قۇرىلىس 2019 جىلى اياقتالۋى تيٸس بولعان, بٸراق اقش سانكتسيياسى قاۋپٸنەن توقتاپ قالعان.
2021 جىلدىڭ باسىندا قۇرىلىس جۇمىسى قايتا جالعاستى.
ۆاشينگتون رەسەيدەن گەرمانيياعا تٸكەلەي تاسىمالداناتىن گاز كٶلەمٸن ەكٸ ەسە ارتتىرۋعا ارنالعان "سولتٷستٸك اعىس-2" قۇبىر جوباسى باتىس ەۋروپانى رەسەيدٸڭ تابيعي ەنەرگييا رەسۋرستارىنا تەۋەلدٸلٸگٸن بۇرىنعىدان دا كٷشەيتە تٷسەدٸ دەپ قاۋٸپتەنەدٸ. اقش ەۋروپا وداعىنا سۇيىلتىلعان گاز جەتكٸزۋگە دايىن ەكەنٸن جەنە وداق ەلدەرٸنٸڭ ينفراقۇرىلىمىنا اقشا قۇياتىنىن ايتقان.
