اقش پرەزيدەنتٸ مەن ەۋروپانىڭ جەتەكشٸ ەلدەرٸ باسشىلارىنىڭ كەزدەسۋٸ. بەرلين, 18 قاراشا 2016 جىل.
بەرليندە جۇما كٷنٸ ٶتكەن كەزدەسۋدە اقش پرەزيدەنتٸ مەن ەۋروپانىڭ جەتەكشٸ ەلدەرٸنٸڭ باسشىلارى مەسكەۋ ۋكراينانىڭ شىعىسىنداعى جانجالدى بەيبٸت رەتتەۋ جٶنٸندەگٸ مٸندەتتەمەلەرٸن ورىنداعانشا رەسەيگە قارسى سالىنعان سانكتسييالاردى سوزا بەرۋگە كەلٸستٸ.
سونىمەن بٸرگە اقش, گەرمانييا, ۇلىبريتانييا, فرانتسييا, يتالييا جەنە يسپانييا ليدەرلەرٸ ەڭ الدىمەن تاياۋ شىعىس پەن سولتٷستٸك افريكاداعى جاعدايدى تۇراقتاندىرۋ, سيرييا مەن ۋكراينانىڭ شىعىسىنداعى قارۋلى جانجالدى ساياسي رەتتەۋگە اتسالىسۋ ماقساتىندا ناتو وداعىن نىعايتۋ جەنە ترانساتلانتيكالىق ىنتىماقتاستىقتى دامىتۋ قاجەتتٸگٸ جايلى كەلٸسكەن. بۇل تۋرالى اق ٷي باسپاسٶز قىزمەتٸ حابارلاعان.
باراك وباما پرەزيدەنتتٸك قىزمەت مەرزٸمٸ اياقتالار الدىندا ەۋروپاعا سوڭعى ساپارىندا ەۋروپالىق ەرٸپتەستەرٸن اقش-تىڭ وداقتاستارى الدىنداعى بارلىق مٸندەتتەمەلەرٸن جاڭادان سايلانعان مەملەكەت باسشىسى دونالد ترامپتىڭ ورىندايتىندىعىنا سەندٸرۋگە تىرىسقان.
