ەلەمنٸڭ بٸرنەشە ەلٸندە كوروناۆيرۋس ٸندەتٸنە بايلانىستى ەنگٸزٸلگەن كارانتيندٸك شارالاردى ايىپتاعان نارازىلىق اكتسييالارى ٶتتٸ. اقش-تىڭ بٸرنەشە شتاتىندا ازاماتتار جۇمىس ورىندارىن قايتا اشىپ, شەكتەۋ شارالارىن جۇمسارتۋدى تالاپ ەتتٸ.
نارازىلاردى پرەزيدەنت دونالد ترامپ قولدادى. ونىڭ پٸكٸرٸنشە, كەيبٸر شتات گۋبەرناتورلارى قاتاڭ شارالار قولدانىپ, "تىم اسىرا سٸلتەپ جٸبەرگەن" الايدا شەكتەۋ شارالارىن جۇمسارتقان كەيبٸر شتاتتاردا كوروناۆيرۋس جۇققان ادامدار سانى ۇلعايعان.
كوروناۆيرۋس جۇقتىرعاندار سانى بويىنشا اقش ەلەمدە بٸرٸنشٸ ورىندا تۇر. مۇندا 800 مىڭنان استام ادامنان ۆيرۋس تابىلعان. 43 مىڭنان استام ادام قايتىس بولعان.
ۆاشينگتون شتاتىنىڭ گۋبەرناتورى ترامپتى ٶتكٸر سىناپ, ميلليون ادامنىڭ ٶمٸرٸنە قاۋٸپ تٶندٸرٸپ, تۇرعىندار اراسىندا الاۋىزدىق قوزدىردى دەپ ايىپتادى.
برازيلييادا دا كارانتينگە قارسى ميتينگٸلەر ٶتتٸ. ونى پرەزيدەنت جاير بولسونارۋ قولدادى. نارازىلىق شارالارىنىڭ بٸرٸندە پرەزيدەنت جاستاردى شەكتەۋ شارالارىنا قاراماستان جۇمىسقا ورالۋعا شاقىردى.
برازيلييادا 41 مىڭنان استام ادامنان كوروناۆيرۋس تابىلعان. 2,5 مىڭعا جۋىق ادام قايتىس بولعان.
سولتٷستٸك وسەتييادا (رەسەي) جاقىندا جٷزدەن استام ادام كٶشەگە شىعىپ, نارازىلىق ٶتكٸزگەن. كٶبٸ تابىسىنان ايرىلىپ, وتباسىن قالاي اسىرايتىنىن بٸلمەيتٸنٸن ايتىپ شاعىمدانعان.
پوليتسييا ميتينگ ۇيىمداستىرۋشىسىن ەكٸ ايعا قامادى. جەرگٸلٸكتٸ اقپارات قۇرالدارىنىڭ جازۋىنشا, ونىڭ ٷستٸنەن "جالعان اقپارات تاراتۋ" جەنە "بيلٸك ٶكٸلٸنە كٷش كٶرسەتۋ" بابى بويىنشا قىلمىستىق ٸس قوزعالعان. سولتٷستٸك وسەتييادا ٷكٸمەت ٷيٸنٸڭ الدىندا سول كٷنٸ 69 ادام ۇستالعان.
رەسەي وپپوزيتسيياسى سەۋٸر ايىنىڭ سوڭىندا قارسىلىق اكتسيياسىن ٶتكٸزۋدٸ جوسپارلاپ وتىر. ولار كوروناۆيرۋس ٸندەتٸ كەزٸندە حالىققا قارجىلاي كٶمەك كٶرسەتۋدٸ تالاپ ەتەدٸ.
سوڭعى مەلٸمەت بويىنشا, رەسەيدە 53 مىڭنان استام ادامنان كوروناۆيرۋس تابىلعان. 456 ادام قايتىس بولعان.
ەلەمدە كوروناۆيرۋس جۇقتىرعاندار سانى 2.5 ميلليوننان استى. 175 مىڭ ادام قايتىس بولدى.
