اق ٷي جاقىن ۋاقىتتا رەسەي ازاماتتارى مەن فيرمالارىنا قارسى جاڭا سانكتسييالار قولدانبايدى, ٶيتكەنٸ سانكتسييالار سالۋ قاۋپٸنٸڭ ٶزٸ كرەملدٸ "تەجەۋ قۇرالى" بولىپ تۇر.
بۇل تۋرالى دٷيسەنبٸ كٷنٸ كەشكە اقش مەملەكەتتٸك دەپارتامەنتٸنٸڭ قىزمەتكەرٸ جۋرناليستەرگە مەلٸمدەدٸ. كەلەسٸ سانكتسييالار رەسەيلٸك فيرمالارمەن جۇمىس ٸستەيتٸن شەتەل مەملەكەتتەرٸ مەن كومپانييالاردى قامتۋى مٷمكٸن.
دەپارتامەنتتٸڭ باسپاسٶز حاتشىسى حەزەر نويەرتتٸڭ ايتۋىنشا, قازٸرگٸ سانكتسييالار نەتيجەسٸندە رەسەي ەسكەري-ٶنەركەسٸپ كەشەنٸ ەكسپورتىنان تٷسەتٸن پايدادان ميللياردتاعان دوللار جوعالتتى. رەسەي قارۋىن بٸرنەشە مەملەكەت ساتىپ الۋدان باس تارتتى.
دونالد ترامپ ەكٸمشٸلٸگٸنٸڭ بۇل شەشٸمٸن زاڭ شىعارۋشىلار ارنايى قۇپييا بريفينگتە ەستٸگەن. كەيبٸر زاڭ شىعارۋشىلار ەكٸمشٸلٸكتٸڭ بۇل شەشٸمٸنە نارازى بولعان.
